|
|
(GMT+08:00)
2007-08-06 17:22:16
|
|
ວຽກງານກະກຽມງານກິລາໂອລິມປິກປັກກິ່ງພວມດຳເນີນຕາມແຜນການຢ່າງສະດວກ
cri
Author: m
ຕາມຂ່າວ CRI: ວັນທີ 6 ສິງຫານີ້, ທ່ານວາງເວີຍ ຮອງປະທານປະຕິບັດທັງເປັນເລຂາທິການຄະນະກຳມະການຈັດຕັ້ງງານກິລາໂອລິມປິກປັກກິ່ງກ່າວວ່າ, ວຽກງານກະກຽມງານກິລາໂອລິມປິກປັກກິ່ງປີ 2008 ພວມດຳເນີນຕາມແຜນການ, ໄດ້ບັນລຸເປົ້າໝາຍໃນໄລຍະຕ່າງໆຕາມເວລາກຳນົດ, ໄດ້ສ້າງພື້ນຖານທີ່ໄວ້ໃຈໄດ້ເພື່ອການຈັດງານກິລາໂອລິມປິກທີ່ມີສີສັນພິເສດແລະລະດັບສູງ. ໃນງານຖະແຫຼງຂ່າວທີ່ຈັດໂດຍຫ້ອງການຖະແຫຼງຂ່າວລັດຖະບານ, ທ່ານວາງເວີຍແລະທ່ານຈຽງຊ້ຽວຢູ ຮອງປະທານປະຕິບັດງານສອງຄົນຂອງຄະນະກຳມະການຈັດຕັ້ງງານກິລາໂອລິມປິກປັກກິ່ງໄດ້ແນະນຳຄວາມຄືບໜ້າຫຼ້າສຸດຂອງວຽກງານກະກຽມງານກິລາໂອລິມປິກປັກກິ່ງປີ 2008.
ງານກິລາໂອລິມປິກປັກກິ່ງຈະໃຊ້ສະໜາມແຂ່ງຂັນ 37 ແຫ່ງ. ປະຈຸບັນ, ສະໜາມກິລາຂອງສູນກິລາໂອລິມປິກເມືອງຊິງຮວງຕາວ, ສະໜາມກິລາຂອງສູນກິລາໂອລິມປິກເມືອງເຊິງຢາງ, ສະໜາມແຂ່ງການຂີ່ມ້າຮົງກົງໄດ້ສ້າງສຳເລັດແລ້ວ. ສະໜາມກິລາທີ່ສ້າງໃໝ່ 12 ແຫ່ງ, ເຊັ່ນ: ສະໜາມກິລາແຫ່ງຊາດ, ສູນລອຍ ນ້ຳແຫ່ງຊາດຢູ່ປັກກິ່ງເປັນຕົ້ນກໍ່ໄດ້ສ້າງໂຄງລ່າງຕົ້ນຕໍສຳເລັດແລ້ວ. ໂຄງການດັດແປງແລະຂະຫຍາຍສ້າງ 11 ໂຄງການ, ໂຄງການສ້າງຊົ່ວຄາວ 8 ໂຄງການກໍ່ໄດ້ເລີ່ມສ້າງແລ້ວ. ນອກຈາກໂຄງການສະໜາມກິລາແຫ່ງຊາດຈະສ້າງສຳເລັດໃນຕົ້ນປີ 2008 ຍ້ອນພິທີໄຂງານແລ້ວ, ສະໜາມກິລາອື່ນໆລ້ວນແຕ່ຈະສ້າງສຳເລັດກ່ອນທ້າຍປີ 2007.
ຮອງປະທານສອງທ່ານຍັງແນະນຳວ່າ, ວຽກງານກະກຽມໃນດ້ານອື່ນໆຂອງງານກິລາໂອລິມປິກປັກກິ່ງກໍ່ພວມດຳເນີນຢ່າງສະດວກຢູ່.
|
|
|