ທ່ານເວີນເຈ່ຍປາວຝາກໂທລະເລກໄປຍັງທ່ານລີຊຽນລົງອວຍພອນອາຊຽນສ້າງຕັ້ງຂຶ້ນຄົບຮອບ 40 ປີ
cri
ຕາມຂ່າວ cri:ວັນທີ 8 ສິງຫານີ້,ທ່ານເວີນເຈ່ຍປາວ ນາຍົກລັດຖະມົນຕີຈີນໄດ້ຝາກໂທລະເລກໄປຍັງທ່ານລີຊຽນລົງ ນາຍົກລັດຖະມົນຕີສິງກະໂປ ປະທານສະຫະພັນປະເທດອາຊີຕາເວັນອອກສຽງໃຕ້ຫລືອາຊຽນ,ເພື່ອສະແດງຄວາມອວຍພອນຢ່າງສຸດອົກສຸດໃຈຕໍ່ອາຊຽນໃນວັນສ້າງຕັ້ງຂຶ້ນຄົບຮອບ 40 ປີ.
ໃນໂທລະເລກອວຍພອນ,ທ່ານເວີນເຈ່ຍປາວກ່າວວ່າ,ໃນ 40 ປີມານີ້,ອາຊຽນໄດ້ພະຍາຍາມຊຸກຍູ້ເສດຖະກິດຂອງປະເທດສະມາຊິກເຕີບໂຕ,ສັງຄົມກ້າວຫນ້າແລະວັດທະນະທຳພັດທະນາ,ຕັ້ງຫນ້າປົກປັກຮັກສາສັນຕິພາບແລະສະຖຽນລະພາບຂອງພາກພື້ນ, ສົ່ງເສີມແລະຊຸກຍູ້ການຮ່ວມມືຢູ່ພາກພື້ນອາຊີຕາເວັນອອກ,ແລະໄດ້ຮັບຜົນຳເລັດທີ່ສຳຄັນຕ່າງໆ.ທ່ານອວຍພອນຢ່າງຈິງໃຈໃຫ້ປະຊາຄົມອາຊຽນທີ່ຖືເສດຖະກິດ ຄວາມປອດໄພ ສັງຄົມແລະວັດທະນະທຳເປັນສາມເສົາຄ້ຳໃຫຍ່ສ້າງຕັ້ງຂຶ້ນຕາມແຜນການ ໃນປີ 2015, ສ້າງຄວາມສຸກໃຫ້ແກ່ປະຊາຊົນບັນດາປະເທດອາຊຽນຕື່ມອີກ.
ທ່ານເວີນເຈ່ຍປາວກ່າວວ່າ, ໃນຖານະເປັນເພື່ອນບ້ານທີ່ດີ ຫມູ່ຄູ່ທີ່ດີແລະເພື່ອນທີ່ດີຂອງອາຊຽນ, ຈີນຈະເຮັດຄືແກ່ເກົ່າທີ່ຜ່ານມາ, ຍຶດຫມັ້ນຖືກຕ້ອງປອງດອງກັບປະເທດໃກ້ຄຽງ, ຖືປະເທດໃກ້ຄຽງເປັນຫມູ່ເພື່ອນ,ເພີ່ມທະວີມິດຕະພາບກັບບ້ານໃກ້ເຮືອນຄຽງ, ລົງເລິກການຮ່ວມມືໃນພາກພື້ນ, ສະຫນັບສະຫນູນຂະບວນວິວັດຫັນເປັນເອກະພົບດຽວຂອງອາຊຽນແລະບົດບາດນຳທາງໃນການຮ່ວມມືພາກພື້ນ,ທຳຄວາມພະຍາຍາມພ້ອມກັບອາຊຽນ, ຊຸກຍູ້ການຮ່ວມມືຮອບດ້ານລະຫວ່າງສອງຝ່າຍໃຫ້ກ້າວເຖີງລະດັບໃຫມ່,ແລະຕັ້ງຫນ້າປະກອບສ່ວນເຂົ້າໃນການສ້າງສາອາຊີທີ່ມີສັນຕິພາບ ໄດ້ຜົນປະໂຫຍດນຳກັນແລະກົມກຽວກັນ.
|
|