|
|
 |
| (GMT+08:00)
2007-08-09 16:24:03
|
 |
|
ຊາວກະສິກອນແລະຊາວລ້ຽງສັດ1ແສນຄົນຂອງຕິເບດເຂົ້າຮ່ວມໜ່ວຍງານເສດຖະກິດຮ່ວມມືວິຊາສະເພາະ
cri
Author: da
ຕາມຂ່າວສານຊິນຮວາ: ນັບມາຮອດທ້າຍປີ2006,ເຂດຕິເບດຈີນມີໜ່ວຍງານເສດຖະກິດຮ່ວມມືວິຊາສະເພາະປະເພດຕ່າງໆສຳລັບຊາວກະສິກອນແລະຊາວລ້ຽງສັດລວມ 240 ກວ່າອົງການ,ມີສະມາຊິກ 3 ໝື່ນກວ່າຄອບຄົວ,ລວມ1ແສນກວ່າຄົນ.
ພະແນກກະສິກຳລ້ຽງສັດເຂດປົກຄອງຕົນເອງຕິເບດແຈ້ງໃຫ້ຮູ້ວ່າ,ເພື່ອຍົກລະດັບການຈັດຕັ້ງຂອງໜ່ວຍງານ,ໃນຫຼາຍປີມານີ້ ຊາວກະສິກອນແລະຊາວລ້ຽງສັດຕິເບດໄດ້ຈັດຕັ້ງໜ່ວຍງານເສດຖະກິດຮ່ວມມືວິຊາສະເພາະຈຳນວນໜຶ່ງຂຶ້ນ.ໃນຫຼາຍປີຕໍ່ໜ້ານີ້,ເຂດຕິເບດຈະຈັດຕັ້ງເປັນເຄືອຂ່າຍການບໍລິການເສດຖະກິດຮ່ວມມືວິຊາສະເພາະທີ່ຖືເມືອງເປັນຕົ້ນຕໍ,ຕາແສງແລະຊົນນະບົດເປັນພື້ນຖານ.ເມື່ອຮອດປີ2015,ທຸກໆບ້ານຈະສ້າງໜ່ວຍເສດຖະກິດຮ່ວມມືວິຊາສະເພາະ,ໜ່ວຍເສດຖະກິດຮ່ວມມືວິຊາສະເພາະຂັ້ນບ້ານຈະມີສະມາຊິກເຖິງ 70% ຂຶ້ນໄປ.
ໃນເກືອບ 20 ກວ່າປີຜ່ານມານີ້,ຊາວກະສິກອນຈີນໄດ້ປະດິດສ້າງໜ່ວຍງານເສດຖະກິດຮ່ວມມືວິຊາສະເພາະດ້ວຍຮູບກາຕ່າງໆ.ໜ່ວຍງານເຫຼົ່ານີ້ໄດ້ກາຍເປັນໜ່ວຍງານສຳຄັນໃນການທຸລະກິດຜະລີດຕະພັນກະສິກຳ.
|
|
|
