|
|
 |
| (GMT+08:00)
2007-08-09 20:41:59
|
 |
|
ທ່ານຫູຈິນທາວຈະໄປຢ້ຽມຢາມກຽກກີຊີສະຖານໃນໄວໆນີ້ມີຄວາມໝາຍສຳຄັນ
cri
ຕາມຂ່າວCRI,ທ່ານຫູຈິນທາວ ປະທານປະເທດຈີນຈະໄປຢ້ຽມຢາມທາງລັດຖະກິດກຽກກີຊີສຖານແຕ່ວັນທີ14ຮອດວັນທີ18ສິງຫານີ້,ເຂົ້າຮ່ວມກອງປະຊຸມສຸດຍອດຄັ້ງທີ7ຂອງອົງການຮ່ວມມືຊຽງໄຮ້ທີ່ຈັດຂຶ້ນຢູ່ບິສເຄັກແຫ່ງກຽກກີຊີສຖານ,ແລະໄປຣັດເຊຍຊົມເບິ່ງການຊ້ອມລົບປະສົມເພື່ອຕ້ານການກໍ່ການຮ້າຍຂອງປະເທດສະມາຊິກອົງການຮ່ວມມືຊຽງໄຮ້ແລະຢ້ຽມຢາມທາງລັດຖະກິດກາຊັກສະຖານ.
ໃນກອງປະຊຸມຂ່າວທີ່ຈັດຂຶ້ນໃນວັນທີ9ສິງຫານີ້,ທ່ານຫຼີຮຸ່ຍ ຜູ່ຊ່ວຍລັດຖະມົນຕີວ່າການກະຊວງການຕ່າງປະເທດຈີນກ່າວວ່າ,ການຢ້ຽມຢາມເທື່ອນີ້ແມ່ນກິດຈະກຳທາງການທູດທີ່ສຳຄັນຂອງຈີນໃນປີນີ້. ມີຜົນດີຕໍ່ການລົງເລິກການຮ່ວມມືຕົວຈິງໃນຂົງເຂດຕ່າງໆລະຫວ່າງປະເທດສະມາຊິກອົງການຮ່ວມມືຊຽງໄຮ້,ຊຸກຍູ້ອົງການດັ່ງກ່າວຂະຫຍາຍຕົວຢ່າງໝັ້ນທ່ຽງຍາວນານ,ມີຄວາມໝາຍສຳຄັນທີ່ສຸດຕໍ່ການເພີ່ມທະວີການປະສານງານທາງຍຸດທະສາດລະຫວ່າງຈີນຣັດເຊຍ,ລົງເລິກການພົວພັນຮ່ວມມືດ້ວຍໄມຕີຈິດຖານບ້ານໃກ້ເຮຶອນຄຽງທີ່ດີຕໍ່ກັນລະຫວ່າງຈີນກຽກກີຊີສະຖານແລະການພົວພັນຄູ່ຮ່ວມມືຍຸດທະສາດຈີນກາຊັກສຖານ,ປົກປັກຮັກສາຄວາມປອດໄພແລະສະຖຽນລະພາບຂອງສາກົນກໍຄືຂອງພາກພື້ນແລະກໍ່ສ້າງພາກພື້ນທີ່ກົມກຽວກັນ.
|
|
|
