|
|
 |
| (GMT+08:00)
2007-08-14 17:12:39
|
 |
|
ຈີນ ອາຊຽນຮ່ວມກັນລະລຶກວັນສ້າງຕັ້ງອາຊຽນຄົບຮອບ 40 ປີ
cri
Author: cai
ຕາມຂ່າວສານຊີນຮວາ:ວັນທີ 13 ສິງຫານີ້,ງານລ້ຽງຮັບຮອງລະລຶກອາຊຽນສ້າງຕັ້ງຂຶ້ນຄົບຮອບ 40 ປີທີ່ຄະນະກຳມະການອາຊຽນປະຈຳປັກກິ່ງກັບສະມາຄົມຈີນອາຊຽນຮ່ວມກັນເປັນເຈົ້າພາບໄດ້ຈັດຂຶ້ນຢູ່ປັກກິ່ງ,ທ່ານຢາງເຈຍຊື ລັດຖະມົນຕີວ່າການກະຊວງການຕ່າງປະເທດຈີນແລະເອກອັກຄະລັດຖະທູດຂອງ 10 ປະເທດອາຊຽນປະຈຳຈີນໄດ້ເຂົ້າຮ່ວມເພື່ອຮ່ວມກັນລະລຶກວັນທີ່ສຳຄັນດັ່ງກ່າວ.
ທ່ານນາງຄ່າຍ ກາຍເມຍລີ ສີໂສດາ ປະທານຄະນະກຳມະການອາຊຽນປະຈຳປັກກິ່ງ ເອກອັກຄະລາຊະທູດກຳປູເຈຍປະຈຳຈີນກ່າວວ່າ,ອາຊຽນຍຶດໝັ້ນຫຼັກການແລະເປົ້າໝາຍສັນຕິພາບ ເສລີພາບແລະຄວາມຈະເລີນຮຸ່ງເຮືອງຢ່າງສະເໝີຕົ້ນສະເໝີປາຍ,ໄດ້ກ້າວເຂົ້າສູ່ໄລຍະພັດທະນາໃໝ່ທີ່ສຸກງອມແລ້ວ,ປະຈຸບັນ,ພວມອອກແຮງສ້າງປະຊາຄົມອາຊຽນທີ່ຖືເອົາຄວາມໝັ້ນຄົງ ເສດຖະກິດແລະວັດທະນະທຳສັງຄົມເປັນ 3 ເສົາຄ້ຳໃຫຍ່.ຈີນໄດ້ເສີມຂະຫຍາຍບົດບາດອັນໃຫຍ່ຫຼວງໃນການສະໜັບສະໜູນການສ້າງປະຊາຄົມອາຊຽນແລະການເຮັດໃຫ້ເສດຖະກິດເຊື່ອມໂຍງເຂົ້າກັນ.
ທ່ານຢາງເຈຍຊືກ່າວວ່າ,ໃນ 40 ປີມານີ້,ປະເທດອາຊຽນສາມັກຄີເປັນເອກະພາບກັນ,ບາກບັ່ນຕໍ່ສູ້,ໄດ້ເສີມຂະຫຍາຍບົດບາດທີ່ສຳຄັນເປັນພິເສດໃນດ້ານການຊຸກຍູ້ສັນຕິພາບແລະສະຖຽນລະພາບ ຊຸກຍູ້ໃຫ້ເສດຖະກິດພັດທະນາ ສັງຄົມກ້າວໜ້າແລະການຮ່ວມມືໃນພາກພື້ນ.ອາຊຽນທີ່ສາມັກຄີ ກ້າວໜ້າແລະຈະເລີນຮຸ່ງເຮືອງແມ່ນສອດຄ່ອງກັບຄວາມປາຖະໜາຮ່ວມຂອງປະຊາຊົນປະເທດຕ່າງໆຂອງອາຊຽນ,ສອດຄ່ອງກັບຍຸກສະໄໝແຫ່ງສັນຕິພາບແລະການພັດທະນາ.ຈີນສະໜັບສະໜູນອາຊຽນເສີມຂະຫຍາຍບົດບາດນຳທາງໃນການລົງເລິກການຮ່ວມມືໃນພາກພື້ນ.
|
|
|
