|
ຈີນໄດ້ຫຼຸດຫຼືຍົກເວັ້ນພາສີຜະລິດຕະພັນ 5300 ກວ່າຊະນິດຂອງອາຊຽນ
cri
Author: cai
ຕາມຂ່າວCRI:ວັນທີ 16 ສິງຫານີ້,ຢູ່ປັກກິ່ງ,ທ່ານວາງຊີ່ນເພີຍ ໂຄສົກຖະແຫຼງຂ່າວຂອງກະຊວງການຄ້າຈີນເຜີຍໃຫ້ຮູ້ວ່າ,ໃນສອງປີທີ່ຜ່ານມາ,ຈີນໄດ້ຫຼຸດຫຼືຍົກເວັ້ນພາສີຜະລິດຕະພັນ 5375 ຊະນິດຂອງປະເທດອາຊຽນ,ລະດັບພາສີສະເລ່ຍໄດ້ຫຼຸດຈາກ 9,9% ລົງເຖິງ 5,8%.
ນັບແຕ່ເດືອນກໍລະກົດປີ 2005 ເປັນຕົ້ນມາ,ຈີນກັບອາຊຽນໄດ້ເລີ່ມປະຕິບັດສັນຍາການຄ້າວັດຖຸໃນເຂດການຄ້າເສລີ.ປະເທດຕ່າງໆຂອງອາຊຽນກໍ່ໄດ້ຫຼຸດພາສີສະເລ່ຍຕໍ່ຈີນໃນລະດັບທີ່ຕ່າງກັນ.ນີ້ແມ່ນສັນຍາສະບັບທຳອິດທີ່ມີຈຸດປະສົງບັນລຸການປອດພາສີຜະລິດຕະພັນທີ່ຈີນເຊັນກັບຕ່າງປະເທດ.ຕາມແຜນການ,ເມື່ອຮອດປີ 2010,ສອງຝ່າຍຈະຍົກເລີກພາສີຜະລິດຕະພັນສ່ວນຫຼາຍ.
ນັບແຕ່ປະຕິບັດສັນຍາດັ່ງກ່າວເປັນເວລາສອງປີມານີ້,ການຄ້າລະຫວ່າງຈີນກັບອາຊຽນໄດ້ເພີ່ມຂຶ້ນໄວເຂົ້າ,ປະຈຸບັນ,ຈີນກັບອາຊຽນຕ່າງເປັນຄູ່ການຄ້າທີ່ໃຫຍ່ທີ 4 ຂອງກັນແລ້ວ.
|
|
