|
ຕາມຂ່າວສານຊີນຮວາ:ຕອນບ່າຍວັນທີ 16 ສິງຫານີ້,ຢູ່ນະຄອນເສີນຢາງ ພາກຕາເວັນອອກສຽງເໜືອຂອງຈີນ,ກອງປະຊຸມຄັ້ງທີ 2 ຂອງໜ່ວຍງານປອດນິວເຄຼຍຂອງການເຈລະຈາ 6 ຝ່າຍກ່ຽວກັບບັນຫານິວເຄຼຍແຫຼມເກົາຫຼີໄດ້ຈັດກອງປະຊຸມຄົບຄະນະ.ຜູ້ຕາງໜ້າຂອງຈີນ ສ.ປ.ປ.ເກົາຫຼີ ອາເມລິກາ ສ.ເກົາຫຼີ ຣັດເຊຍແລະຍີ່ປຸ່ນຈະຫາລືວຽກງານກ່ຽວກັບການຊຸກຍູ້ໃຫ້ແຫຼມເກົາຫຼີປອດນິວເຄຼຍໃນກອງປະຊຸມທີ່ຈະດຳເນີນເປັນເວລາ 2 ມື້.
ທ່ານອູຕ້າເຫວີຍ ລັດຖະມົນຕີຊ່ວຍວ່າການກະຊວງການຕ່າງປະເທດຈີນ ຫົວໜ້າຄະນະຜູ້ແທນຈີນເປັນປະທານກອງປະຊຸມເທື່ອນີ້.ໃນເວລາກ່າວໄຂກອງປະຊຸມ,ທ່ານກ່າວວ່າ,ກອງປະຊຸມເທື່ອນີ້ແມ່ນກອງປະຊຸມກຽມຂອງການເຈລະຈາ 6 ຝ່າຍຮອບໜ້າທີ່ຈະຈັດຂຶ້ນໃນເດືອນໜ້ານີ້,ຕົ້ນຕໍຈະຫາລືບັນຫາກ່ຽວກັບການຊຸກຍູ້ຂະບວນວິວັດປອດນິວເຄຼຍຂອງແຫຼມເກົາຫຼີ.
ທ່ານກ່າວວ່າ,ຝ່າຍຈີນຍິນດີພະຍາຍາມພ້ອມກັນກັບຄະນະຜູ້ແທນຕ່າງໆ,ເຮັດໃຫ້ກອງປະຊຸມເທື່ອນີ້ຮັບໝາກຜົນອັນຕັ້ງໜ້າ.
ກ່ອນໜ້ານີ້,ຄະນະຜູ້ແທນ 6 ປະເທດຕ່າງໄດ້ດຳເນີນການພົວພັນແລະການຫາລືກັນສອງຝ່າຍຫຼາຍເທື່ອໃນຕອນຄ່ຳວັນທີ 15 ແລະຕອນເຊົ້າວັນທີ 16 ສິງຫານີ້.
|
