|
|
 |
| (GMT+08:00)
2007-08-19 20:25:43
|
 |
|
ຈີນກ່າວວ່າການຢ້ຽມຢາມກຽກກິສຖານຂອງທ່ານຫູຈິນທາວໄດ້ຮັບໝາກຜົນອັນອຸດົມສົມບູນ
cri
ຕາມຂ່າວCRI,ວັນທີ18ສິງຫານີ້,ທ່ານຫູຈິນທາວ ປະທານປະເທດຈີນໄດ້ສິ້ນສຸດການຢ້ຽມຢາມກາຊັກສະຖານທາງລັດຖະກິດແລ້ວກັບຄືນຮອດນະຄອນປັກກິ່ງ.ກ່ອນໜ້ານີ້,ທ່ານຍັງໄດ້ຢ້ຽມຢາມກຽກກິສຖານທາງລັດຖະກິດ,ແລະເຂົ້າຮ່ວມກອງປະຊຸມສຸດຍອດຂອງອົງການຮ່ວມມືຊຽງໄຮ້,ໄປຣັດເຊຍເພື່ອຊົມເບິ່ງການຊ້ອມລົບຮ່ວມເພື່ອຕໍ່ຕ້ານລັດທິກໍ່ການຮ້າຍຂອງປະເທດສະມາຊິກອົງການຮ່ວມມືຊຽງໄຮ້.ທ່ານຢາງເຈສືລັດຖະມົນຕີວ່າການກະຊວງການຕ່າງປະເທດຈີນທີ່ຕິດຕາມທ່ານຫູຈິນທາວໄປຢ້ຽມຢາມນັ້ນກ່າວວ່າ,ການຢ້ຽມຢາມຂອງທ່ານຫູຈິນທາວເທື່ອນີ້ໄດ້ຮັບໝາກຜົນອັນອຸດົມສົມບູນແລະມີຜົນສະທ້ອນອັນເລິກເຊິ່ງຍາວໄກ.
ທ່ານຢາງເຈສືກ່າວວ່າ,ການຢ້ຽມຢາມຂອງທ່ານປະທານຫູຈິນທາວແມ່ນການຢ້ຽມຢາມທີ່ສຳເລັດຜົນເທື່ອໜຶ່ງທີ່ລົງເລິກການຮ່ວມມືຖານບ້ານໃກ້ເຮືອນຄຽງທີ່ດີຕໍ່ກັນແລະຊຸກຍູ້ການພັດທະນານຳກັນ,ມີຄວາມໝາຍສຳຄັນທີ່ສຸດຕໍ່ຈີນຍົກລະດັບການພົວພັນກັບກຽກກິສຖານ,ກາຊັກສະຖານແລະຣັດເຊຍໃຫ້ສູງຂຶ້ນຕື່ມອີກ,ປົກປັກຮັກສາຄວາມປອດໄພແລະສະຖຽນລະພາບຂອງສາກົນແລະພາກພື້ນ,ສ້າງພາກພື້ນທີ່ກົມກຽວກັນ,ແລະກໍ່ຍ່ອມຈະມີຜົນສະທ້ອນອັນເລິກເຊິ່ງຍາວໄກຕໍ່ການພັດທະນາຢ່າງຍາວນານ ປອດໃສແລະໝັ້ນທ່ຽງຂອງອົງການຮ່ວມມືຊຽງໄຮ້.
|
|
|
