|
ປີນີ້,ການເງິນສູນກາງຈີນໄດ້ຈັດງົບປະມານ11ຕື້500ລ້ານກວ່າຢວນເພື່ອກູ້ໄພທຳມະຊາດ
cri
ຕາມຂ່າວCRI,ນັບແຕ່ຕົ້ນປີນີ້ມາ,ຈີນໄດ້ເກີດໄພທຳມະຊາດເລື້ອຍໆ,ການເງິນສູນກາງຈີນໄດ້ຈັດງົບປະມານລວມ11ຕື້500ລ້ານກວ່າຢວນເພື່ອໃຊ້ໃນການກູ້ໄພ.
ວັນທີ22ສິງຫານີ້,ກະຊວງການປົກຄອງແລະປະຊາສົງເຄາະຈີນໄດ້ແຈ້ງຂ່າວວ່າ,ປີນີ້,ກະຊວງດັ່ງກ່າວຈະເສີມສ້າງລະບົບສຸກເສີນຮັບມື ໄພທຳມະຊາດ,ປະຕິບັດແຜນການແຫ່ງຊາດກ່ຽວກັບຮັບມືດ່ວນເພື່ອກູ້ໄພທຳມະຊາດຢ່າງທັນການຕາມສະພາບຕົວຈິງຂອງໄພທຳມະຊາດ,ປຶກສາຫາລືຢ່າງທັນການເພື່ອຈ່າຍເງິນແລະວັດສະດຸກູ້ໄພ,ຊີ້ນຳທ້ອງຖິ່ນຕ່າງໆດຳເນີນວຽກງານຕ້ານໄພແລະກູ້ໄພທຳມະຊາດ.ນັບມາຮອດປັດຈຸບັນ,ຄະນະກຳມະການຫຼຸດໄພພິບັດແຫ່ງຊາດຈີນ,ກະຊວງການປົກຄອງແລະປະຊາສົງເຄາະຈີນໄດ້ຕອບສະໜອງຄວາມຮຽກຮ້ອງໃຫ້ແກ່ການກູ້ໄພລວມ41ເທື່ອ,ໄດ້ສົ່ງໜ່ວຍງານ41ໜ່ວຍລົງໄປເຂດປະສົບໄພ,ແກ້ໄຂບ່ອນຢູ່ຊົ່ວຄາວຂອງປະຊາຊົນຜູ່ປະສົບໄພເປັນຢ່າງດີ.ນອກນີ້,ລັດຖະບານຈີນຍັງໄດ້ຍົກສູງມາດຕະການຊ່ວຍເຫຼືອເພື່ອສ້າງເຮືອນໃໝ່ຫຼັງໄພທຳຊາດເຊັ່ນໄພແຜ່ນດິນໄຫວແລະລະດັບອຸດໜູນຄ່າຄອງຊີບໃນລະດູໜາວແລະລະດູໃບໄມ້ປົ່ງຂອງປະຊາຊົນຜູ່ປະສົບໄພເປັນຕົ້ນ.ພ້ອມທັງເພີ່ມແລະຈ່າຍເງິນປ້ອງກັນໄພນ້ຳຖ້ວມແລະໄພແຫ້ງແລ້ງຢ່າງທັນການ.
|
|
