|
|
 |
| (GMT+08:00)
2007-08-22 17:32:10
|
 |
|
ຊາວຊົນນະບົດທີ່ໄດ້ຮັບການປະກັນຊີວິດການເປັນຢູ່ຕ່ຳສຸດໄດ້ບັນລຸ23 ລ້ານກວ່າຄົນ
cri
Author: da
ຕາມຂ່າວCRI:ວັນທີ22ສິງຫານີ້ ຢູ່ປັກກິ່ງ ທ່ານຫຼີເສຈູ ລັດຖະມົນຕີກະຊວງການປົກຄອງແລະປະຊາສົງເຄາະຈີນກ່າວວ່າ,ປະຈຸບັນ ຊາວຊົນນະບົດຈີນທີ່ໄດ້ຮັບການປະກັນຊີວິດການເປັນຢູ່ຕ່ຳສຸດໄດ້ບັນລຸ23 ລ້ານ1ແສນ1ໝື່ນຄົນແລ້ວ.
ທ່ານຫຼີເສຈູເປີດເຜີຍຂ່າວດັ່ງກ່າວໃນງານຖະແຫຼງຂ່າວທີ່ຈັດໂດຍຫ້ອງການຖະແຫຼງຂ່າວລັດຖະບານ.ທ່ານກ່າວວ່າ,ຊົນນະບົດຈີນເລີ່ມສ້າງລະບອບປະກັນຊີວິດການເປັນຢູ່ຕ່ຳສຸດໂດຍທົ່ວໄປແຕ່ປີນີ້ເປັນຕົ້ນໄປ.ການສ້າງລະບອບດັ່ງກ່າວ,ເຮັດໃຫ້ຜູ່ທຸກຍາກຢູ່ຕົວເມືອງແລະຊົນນະບົດລ້ວນແຕ່ໄດ້ຮັບການອຸດໜູນຈາກສັງຄົມຢ່າງສະເໝີພາບ,ຜູ່ຮັບການຊ່ວຍເຫຼືອແມ່ນຜູ່ທຸກຍາກໃນຊົນນະບົດ,ໂດຍສະເພາະແມ່ນຄອບຄົວທີ່ມີຄົນເຈັບປ່ວຍ ຄອບຄົວທີ່ມີຄົນພິການ ຄອບຄົວຜູ່ເຖົ້າທີ່ທຸກຍາກ ແລະຜູ່ທຸກຍາກໃນເຂດເງື່ອນໄຂຊີວິດການເປັນຢູ່ທີ່ທຸກຍາກທີ່ສຸດ.
ຕາມສະຖິຕິຂອງກະຊວງການປົກຄອງແລະປະຊາສົງເຄາະ,ນັບມາຮອດທ້າຍເດືອນມິຖຸນາປີນີ້,ໃນທົ່ວປະເທດຈີນມີ 31ແຂວງ ເຂດປົກຄອງຕົນເອງແລະກຳແພງນະຄອນ ໄດ້ສ້າງລະບອບປະກັນຊີວິດການເປັນຢູ່ຕ່ຳສຸດຢູ່ຊົນນະບົດ,ຮອດທ້າຍປີນີ້ ຫວັງວ່າຈະຈັດເອົາຜູ່ທຸກຍາກທັງໝົດໃນຊົນນະບົດເຂົ້າໃນລະບົບປະກັນຊີວິດການເປັນຢູ່ຕ່ຳສຸດ.
|
|
|
