|
|
 |
| (GMT+08:00)
2007-08-22 18:22:12
|
 |
|
ນາຍົກລັດຖະມົນຕີສປປລາວເດີນທາງໄປມາຮອດປັກກິ່ງເພື່ອຢ້ຽມຢາມຈີນ
cri
ຕາມຂ່າວສານຊີນຮວາ: ຕອນບ່າຍວັນທີ 22 ສິງຫານີ້,ພະນະທ່ານບົວສອນ ບຸບຜາວັນ ນາຍົກລັດຖະມົນຕີສປປລາວໄດ້ເດີນທາງມາຮອດປັກກິ່ງ, ເລີ່ມຢ້ຽມຢາມຈີນຢ່າງເປັນທາງການເປັນເວລາຫນຶ່ງອາທິດ.
ໃນໄລຍະຢ້ຽມຢາມ, ພະນະທ່ານຫູຈີນທາວ ປະທານປະເທດຈີນ ພະນະທ່ານອຸປ່າງໂກ ປະທານຄະນະປະຈຳສະພາປະຊາຊົນແຫ່ງຊາດຈີນຕ່າງຈະພົບປະພະນະທ່ານບົວສອນ,ພະນະທ່ານເວີນເຈ່ຍປາວ ນາຍົກລັດຖະມົນຕີຈີນກໍ່ຈະເຈລະຈາກັບທ່ານ.ນອກຈາກປັກກິ່ງແລ້ວ, ພະນະທ່ານບົວສອນຍັງຈະໄປຢ້ຽມຢາມແຂວງລຽວນິງ ແຂວງຫູນານແລະແຂວງຢຸນນານ.
ເທື່ອນີ້ແມ່ນພະນະທ່ານນາຍົກລັດຖະມົນຕີບົວສອນມາຢ້ຽມຢາມຈີນຢ່າງທາງການເປັນຄັ້ງທຳອິດພາຍຫລັງທີ່ທ່ານໄດ້ດຳລົງຕຳແຫນ່ງນາຍົກ ລັດຖະມົນຕີແລ້ວ.ກ່ອນຈະມາຢ້ຽມຢາມຈີນ, ພະນະທ່ານບົວສອນໄດ້ໃຫ້ສຳພາດຕໍ່ນັກຂ່າວຂ່າວສານຊີນຮວາ, ທ່ານກ່າວວ່າ, ການຢ້ຽມຢາມຈີນເທື່ອນີ້,ແມ່ນເພື່ອຜັນຂະຫຍາຍຄວາມຮັບຮູ້ຮ່ວມກັນທຸກລາຍຂອງຜູ່ນຳສອງປະເທດອີກ, ຄົ້ນຄວ້າຫາວິທີທີ່ເພີ່ມທະວີແລະປັບລປຸງມິດຕະພາບແລະການພົວພັນຮ່ວມມືກັນລະຫວ່າງສອງປະເທດຕື່ມອີກ,ເພື່ອຊຸກຍູ້ການພົວພັນສອງປະເທດຂະຫຍາຍໄປສູ່ຄວາມສູງໃຫມ່ເລື້ອຍໆ ຕາມທິດທາງທີ່ໃຫ້ມີຄວາມຫມັ້ນຄົງຍາວນານ ມີໄມຕີຈິດຕໍ່ກັນຖານບ້ານໃກ້ເຮືອນຄຽງ ໄວ້ເນື້ອເຊື່ອໃຈກັນ ແລະຮ່ວມມືກັນຮອບດ້ານ.
|
|
|
