|
|
 |
| (GMT+08:00)
2007-08-24 18:58:39
|
 |
|
ຈີນເອົາໃຈໃສ່ທີ່ສຸດນຳເລື່ອງອັກຊັງຕີນຈຳກັດຜະລິດຕະພັນຂອງຈີນ
cri
Author: da
ຕາມຂ່າວCRI: ວັນທີ24ສິງຫານີ້ ຢູ່ປັກກິ່ງ ໂຄສົກຖະແຫຼງຂ່າວຂອງກະຊວງການຄ້າຈີນກ່າວວ່າ,ຈີນເອົາໃຈໃສ່ທີ່ສຸດນຳເລື່ອງອັກຊັງຕີນໃຊ້ມາດຕະການຈຳກັດຜະລິດຕະພັນຫຼາຍປະເພດຂອງຈີນ,ແລະສະຫງວນສິດໃຊ້ມາດຕະການຕື່ມອີກ.
ວັນທີ17ສິງຫານີ້ ລັດຖະບານອັກຊັງຕີນໄດ້ປະກາດຢ່າງກະທັນຫັນວ່າຈະເລີ່ມໃຊ້ມາດຕະການຫຼາຍຢ່າງເພື່ອຈຳກັດຜະລິດຕະພັນທີ່ຈີນຜະລິດເຊັ່ນ ຢາງລົດ ເຄື່ອງນຸ່ງ ເຄື່ອງຫຼິ້ນ ແລະອື່ນໆ.
ໂຄສົກກະຊວງການຄ້າຈີນຊີ້ອອກວ່າ,ໃນຖານະທີ່ເປັນສະມາຊິກໜຶ່ງທີ່ລິເລີ່ມສ້າງອົງການການຄ້າໂລກ,ລັດຖະບານອັກຊັງຕີນບໍ່ເອົາຫົວຊານຳຫຼັກເກນຂອງອົງການການຄ້າໂລກ,ຂັດຂວາງບໍ່ໃຫ້ຜະລິດຕະພັນຂອງຈີນເຂົ້າຕະຫຼາດອັກຊັງຕີນຕາມກົດໝາຍ,ການກະທຳດັ່ງກ່າວໄດ້ລະເມີດພັນທະຫຼາຍຝ່າຍທີ່ເຂົາຄວນປະຕິບັດ,ທຳລາຍສິດປະໂຫຍດຂອງຝ່າຍຈີນທີ່ອົງການການຄ້າໂລກມອບໃຫ້.ປະຈຸບັນ,ກ່ຽວກັບສິນຂອງຄ້າຈີນທີ່ຄ້າງຢູ່ດ່ານຍ້ອນອັກຊັງຕີນໃຊ້ມາດຕະການຂັດຂວາງນັ້ນ,ຝ່າຍຈີນຮຽກຮ້ອງໃຫ້ຝ່າຍອັກຊັງຕີນອະນຸຍາດໃຫ້ຜ່ານດ່ານຕາມລະບຽບການທົ່ວໄປທາງການຄ້າສາກົນ.
|
|
|
