|
|
 |
| (GMT+08:00)
2007-08-24 19:27:29
|
 |
|
ຈີນຍິນດີພ້ອມກັນກັບລາວຊຸກຍູ້ການພົວພັນຮ່ວມມືດ້ວຍໄມຕີຈິດຖານບ້ານໃກ້ເຮືອນຄຽງທີ່ດີຕໍ່ກັນລະຫວ່າງຈີນກັບລາວໃຫ້ກ້າວຂຶ້ນສູ່ລະດັບສູງໃໝ່ຢ່າງບໍ່ຢຸດຢັ້ງ
cri
Author: da
ຕາມຂ່າວCRI:ວັນທີ24ສິງຫານີ້ ຢູ່ປັກກິ່ງ ໃນເວລາພົບປະພະນະທ່ານບົວສອນ ບຸບຜາວັນ ນາຍົກລັດຖະມົນຕີລາວ ພະນະທ່ານຫູຈີນທາວ ປະທານປະເທດຈີນໄດ້ກ່າວວ່າ,ຈີນຍິນດີພ້ອມກັນກັບລາວຊຸກຍູ້ການພົວພັນຮ່ວມມືດ້ວຍໄມຕີຈິດຖານບ້ານໃກ້ເຮືອນຄຽງທີ່ດີຕໍ່ກັນລະຫວ່າງຈີນກັບລາວໃຫ້ກ້າວຂຶ້ນສູ່ລະດັບສູງໃໝ່ຢ່າງ ບໍ່ຢຸດຢັ້ງ.
ພະນະທ່ານຫູຈິນທາວກ່າວວ່າ,ໃນຫຼາຍປີມໍ່ໆມານີ້,ການພົວພັນຈີນລາວໄດ້ລົງເລິກຂະຫຍາຍໄປໜ້າຢ່າງປອດໃສ,ໄດ້ຮັບໝາກຜົນອັນອຸດົມສົມບູນ.ຈີນຫວັງເພີ່ມທະວີການຮ່ວມມືລະຫວ່າງສອງປະເທດໃນຂົງເຂດສຳຄັນຕ່າງໆເຊັ່ນເສດຖະກິດການຄ້າ ການຄ້າຊາຍແດນ ພະລັງງານ ບໍ່ແຮ່ ພື້ນຖານໂຄງລ່າງ ການປູກຝັງດ້ານກະສິກຳ ການພັດທະນາຊັບພະຍາກອນມະນຸດແລະອື່ນໆ,ສ້າງໂຄງການຮ່ວມມືຂະໜາດໃຫຍ່ທີ່ສອງຝ່າຍຕົກລົງກັນໃຫ້ດີ,ເອົາການຮ່ວມມືຂອງສອງຝ່າຍປະສານສົມທົບກັບການຈັດຕັ້ງປະຕິບັດແຜນກຳນົດພັດທະນາເສດຖະກິດສັງຄົມຂອງຝ່າຍຕົນ,ພ້ອມກັນສ້າງສະພາບການໃໝ່ໃນການຮ່ວມມືຮອບດ້ານລະຫວ່າງຈີນກັບລາວ.
ພະນະທ່ານບົວສອນ ບຸບຜາວັນກ່າວວ່າ,ລັດຖະບານແລະປະຊາຊົນລາວຈະສືບຕໍ່ເດັດດ່ຽວສະໜັບສະໜູນພາລະກິດໂຮມປະເທດຊາດເຂົ້າເປັນເອກະພາບກັນຂອງຈີນ ແລະສະໜັບສະໜູນຫຼັກໝັ້ນຂອງຈີນໃນບັນຫາຕິເບດແລະບັນຫາສິດທິມະນຸດ,ແລະເຊື່ອໝັ້ນວ່າການພົວພັນຮ່ວມມືຮອບດ້ານລະຫວ່າງລາວຈີນຈະສືບຕໍ່ຂະຫຍາຍໄປໜ້າຢ່າງບໍ່ຢຸດຢັ້ງ.
|
|
|
