|
ຜົນການແບ່ງປັນໄລຍະທີໜຶ່ງກ່ຽວກັບປີ້ເຂົ້າຊົມງານກິລາໂອລິມປິກປັກກິ່ງທີ່ຈຳໜ່າຍໃຫ້ຜູ່ຊົມໃນຈີນ
cri
ຕາມຂ່າວCRI,ຫວ່າງມໍ່ໆນີ້,ຄະນະກຳມະການຈັດຕັ້ງງານກິລາໂອລິມປິກປັກກິ່ງໄດ້ເປີດເຜີຍຜົນການແບ່ງປັນໄລຍະທີໜຶ່ງກ່ຽວກັບປີ້ເຂົ້າຊົມງານກິລາໂອລິມປິກປັກກິ່ງທີ່ຈຳໜ່າຍໃຫ້ຜູ່ຊົມໃນຈີນ. 3ແສນກວ່າຄົນທີ່ຢູ່ຈີນໄດ້ຈອງຊື້ປີ້ເຂົ້າຊົມງານກິລາໂອລິມປິກປັກກິ່ງ15ລ້ານ9ໝື່ນ3345ປີ້ຢ່າງສຳເລັດຜົນ.ຕາມລະບຽບການ,ຖ້າວ່າການແຂ່ງຂັນເທື່ອໃດ,ຈຳນວນຄົນຈອງຊື້ປີ້ລ່ວງໜ້າຫຼາຍກວ່າຈຳນວນຄົນຮ້ອງຂໍຊື້ປີ້,ຈະໃຫ້ດຳເນີນການຈົກສະຫຼາກທາງອິນເຕີເນັດ.ສະເລ່ຍແລ້ວ,ຢູ່ທົ່ວປະເທດຈີນ,ອັດຕາຈົກຖືກສະຫຼາກແມ່ນປີ້ເຂົ້າຊົມພິທີໄຂງານກິລາໂອລິມປິກແມ່ນ4,7%,ປີ້ເຂົ້າຊົມພິທີປິດງານແມ່ນ15,1%.ປີ້ເຂົ້າຊົມການແຂ່ງຂັນກິລາແມ່ນ34,6%.ໃນນັ້ນ,ປີ້ຊົມການແຂ່ງຂັນກິລາບານບ້ວງ,ໂດດນ້ຳແລະປິ່ງປ່ອງແມ່ນຂາຍດິບຂາຍດີກວ່າໝູ່.
ຍອດຈຳນວນປີ້ເຂົ້າຊົມງານກິລາໂອລິມປິກປັກກິ່ງທີ່ຈຳໜ່າຍໄດ້ມີ7ລ້ານປີ້,ການຈຳໜ່າຍໄລຍະທີໜຶ່ງແມ່ນ2ລ້ານ2ແສນປີ້.ສ່ວນເຫຼືອນັ້ນຈະຈຳໜ່າຍຢ່າງເປີດເຜີຍໄລຍະທີສອງໃນເດືອນຕຸລາປີນີ້ເປັນຕົ້ນໄປ.
|
|
