|
|
 |
| (GMT+08:00)
2007-08-29 18:05:45
|
 |
|
ຈີນກຳນົດເປົ້າໝາຍວຽກງານປະຢັດພະລັງງານແລະຫຼຸດການລະບາຍອາຍພິດເຮືອນແກ້ວຂອງວິສາຫະກິດສູນກາງ
cri
ຕາມຂ່າວCRI,ຈີນໄດ້ກຳນົດເປົ້າໝາຍວຽກງານປະຢັດພະລັງງານແລະຫຼຸດການລະບາຍອາຍພິດເຮືອນແກ້ວຂອງວິສາຫະກິດສູນກາງ,ຊຸກຍູ້ວຽກງານການປະຢັດພະລັງງານແລະຫຼຸດການລະບາຍອາຍພິດເຮືອນແກ້ວຂອງວິສາຫະກິດສູນກາງ,ເພື່ອຊຸກຍູ້ໃຫ້ທົ່ວສັງຄົມປະຢັດຊັບພະຍາກອນແລະອະນຸລັກສິ່ງແວດລ້ອມ.
ນີ້ແມ່ນຂ່າວທີ່ປະກາດໃນກອງປະຊຸມວຽກງານປະຢັດພະລັງງານແລະຫຼຸດການລະບາຍອາຍພິດເຮືອນແກ້ວຂອງວິສາຫະກິດສູນກາງທີ່ຈັດຂຶ້ນໂດຍຄະນະກຳມະການຕິດຕາມຄຸ້ມຄອງຊັບສິນແຫ່ງລັດຂອງລັດຖະບານຈີນໃນວັນທີ29ສິງຫານີ້.
ເປົ້າໝາຍເຫຼົ່ານີ້ກໍຄື: ເມື່ອຮອດທ້າຍປີ2010,ວິສາຫະກິດສູນກາງຕ້ອງຮັບປະກັນໃຫ້ການສິ້ນເປືອງພະລັງງານຕໍ່ຫົວໜ່ວຍມູນຄ່າເພີ່ມຫຼຸດລົງ20%,ຍອດປະລິມານທາດມົນລະພິດຕົ້ນຕໍທີ່ລະບາຍອອກໃຫ້ຫຼຸດລົງ10%,ໃນນັ້ນ,ຂະແໜງການຈຸດໜັກຕ່າງໆເຊັ່ນນ້ຳມັນເຊື້ອໄຟແລະອຸດສາຫະກຳເຄມີນ້ຳມັນເຊື້ອໄຟ,ການຫຼໍ່ຫຼອມໂລຫະ,ໄຟຟ້າ,ຄົມມະນາຄົມແລະການຂົນສົ່ງເປັນຕົ້ນ,ເມື່ອຮອດທ້າຍປີ2009,ຕ້ອງພະຍາຍາມໃຫ້ບັນລຸເປົ້າໝາຍດັ່ງກ່າວກ່ອນເວລາກຳນົດ.
ເພື່ດບັນລຸເປົ້າໝາຍດັ່ງກ່າວ,ຄະນະກຳມະການຕິດຕາມຄຸ້ມຄອງຊັບສິນແຫ່ງລັດຈີນຈະສ້າງລະບຽບການລາຍງານວຽກງານປະຢັດພະລັງງານແລະຫຼຸດການລະບາຍອາຍພິດເຮືອນແກ້ວຂອງວິສາຫະກິດສູນກາງ,ແລະຈະຈັດເອົາສະພາບການສຳເລັດວຽກງານດັ່ງກ່າວເຂົ້າໃນການກວດກາຜົນງານດ້ານທຸລະກິດຂອງຜູ່ຮັບຜິດຊອບວິສາຫະກິດສູນກາງ.
|
|
|
