|
|
 |
| (GMT+08:00)
2007-08-30 17:38:16
|
 |
|
ຈີນຈະລົງທຶນກ້ອນໃຫຍ່ປົວແປງຄຸນນະພາບຂອງນ້ຳໃນຕົວເມືອງແລະຊົນນະບົດ
cri
ຕາມຂ່າວສານຊິນຮວາ,ວັນທີ29ສິງຫານີ້,ທ່ານຈ້າວປາວຈ່ຽງ ປະທານສະມາຄົມຜັງເມືອງຂອງຈີນກ່າວວ່າ,ລັດຖະບານຈີນຈະໃຊ້ງົບປະມານຫຼາຍຕື້ຢວນປະຕິບັດໂຄງການວິທະຍາສາດເຕັກນິກທີ່ຄວບຄຸມແລະແກ້ໄຂມົນລະພິດທາງນ້ຳຢ່າງຮອບດ້ານ.
ທ່ານຈ້າວປາວຈ່ຽງກ່າວວ່າ,ປັດຈຸບັນ,ຈີນພວມຢູ່ໃນໄລຍະເລັ່ງລັດຫັນເປັນຕົວເມືອງ,ການກໍ່ສ້າງພື້ນຖານໂຄງລ່າງປົວແປງສິ່ງແວດລ້ອມຂອງນ້ຳໃນຕົວເມືອງແລະຊົນນະບົດຫຼາຍແຫ່ງຍັງບໍ່ສາມາດຕອບສະໜອງຄວາມຮຽກຮ້ອງຕ້ອງການໃນການພັດທະນາຕົວເມືອງແລະຊົນນະບົດ,ຕ້ອງເພີ່ມທະວີວຽກງານຮັບປະກັນຄວາມປອດໄພຂອງນ້ຳດື່ມ,ເພື່ອປົວແປງຄຸນນະພາບຂອງນ້ຳໃນຕົວເມືອງແລະຊົນນະບົດໃຫ້ດີຂຶ້ນ.
ຈີນພວມສຸມກຳລັງເຂົ້າໃນການປະຢັດພະລັງງານແລະຫຼຸດການລະບາຍມົນລະພິດ,ແລະປະຕິບັດໂຄງການຈຸດໜັກກ່ຽວກັບການແກ້ໄຂບັນຫາມົນລະພິດ.ໂຄງການວິທະຍາສາດເຕັກນິກທີ່ຄວບຄຸມແລະແກ້ໄຂມົນລະພິດໃນນ້ຳທີ່ແນໃສ່ການຄວບຄຸມມົນລະພິດໃນນ້ຳແລະຮັບປະກັນຄວາມປອດໄພຂອງນ້ຳດື່ມແມ່ນໂຄງການຄົ້ນຄວ້າວິທະຍາສາດສິ່ງແວດລ້ອມທີ່ຈີນໃຊ້ງົບປະມານຫຼາຍກວ່າໝູ່ໃນປະຫັດສາດ.
|
|
|
