|
|
 |
| (GMT+08:00)
2007-08-30 18:48:17
|
 |
|
ຈີນຈະເພີ່ມທະວີການປັບປຸງຄວບຄຸມມະຫາພາກເພື່ອລະງັບລາຄາເຮືອນຢູ່ທີ່ສູງຂຶ້ນໄວໂພດ
cri
Author: da
ຕາມຂ່າວCRI: ວັນທີ30ສິງຫານີ້ ຢູ່ປັກກິ່ງ ໂດຍແນໃສ່ບັນຫາ"ລາຄາເຮືອນຢູ່ສູງໂພດ"ທີ່ສາທາລະນະຊົນມີປະຕິກິລິຍາຢ່າງຮຸນແຮງ,ທ່ານຊີຈີ້ ລັດຖະມົນຕີຊ່ວຍວ່າການກະຊວງກໍ່ສ້າງຈີນກ່າວວ່າ,ລັດຖະບານຈີນຈະເພີ່ມທະວີການຕິດຕາມຄຸ້ມຄອງແລະປັບປຸບຄວບຄຸມລາຄາເຮືອນຢູ່,ເພື່ອລະງັບລາຄາເຮືອນຢູ່ທີ່ສູງຂຶ້ນໄວໂພດ.
ໃນງານຖະແຫຼງຂ່າວທີ່ຫ້ອງການຖະແຫຼງຂ່າວຂອງລັດຖະບານຈີນຈັດຂຶ້ນໃນມື້ດຽວກັນ ທ່ານຊີຈີ້ກ່າວວ່າ,ລັດຖະບານຈີນຈະອອກແຮງເພີ່ມທະວີການສະໜອງເຮືອນຢູ່ສິນຄ້າທຳມະດາ,ພັດທະນາເຮືອນຢູ່ສິນຄ້າທຳມະດາທີ່ລາຄາລະດັບກາງແລະຕ່ຳ ແລະເປັນເຮືອນຢູ່ຊຸດກາງແລະນ້ອຍ,ເຮັດໃຫ້ລາຄາເຮືອນຢູ່ໝັ້ນຄົງ; ພ້ອມກັນນັ້ນ,ລັດຖະບານຈີນຈະປັບປຸງຄວບຄຸມແລະຊັກນຳຄວາມຕ້ອງການຕໍ່ເຮືອນຢູ່,ເດັດດ່ຽວໂຈມຕີການຊື້ເຮືອນຢູ່ແບບສວຍໂອກາດ,ເພີ່ມຄວາມແຮງຕໍ່ການປັບປຸງຄວບຄຸມຄວາມຕ້ອງການເຮືອນຢູ່ຊຸດໃຫຍ່; ນອກນີ້,ຍັງຈະເພີ່ມທະວີການຕິດຕາມຄຸ້ມຄອງການພັດທະນາອະສັງຫາລິມະຊັບແລະທົ່ວຂະບວນການຈຳໜ່າຍເຮືອນຢູ່.
ປະຈຸບັນ,ຢູ່ບາງແຫ່ງຂອງຈີນ ການສະໜອງກັບຄວາມຕ້ອງການໃນຕະຫຼາດເຮືອນຢູ່ສິນຄ້າມີຄວາມຂັດແຍ່ງກັນອັນພົ້ນເດັ່ນ.ແຕ່ປີນີ້ເປັນຕົ້ນມາ,ລາຄາເຮືອນຢູ່ສິນຄ້າຂອງບາງຕົວເມືອງ ໂດຍສະເພາະແມ່ນເມືອງໃຫຍ່ແຄມທະເລຢູ່ພາກຕາເວັນອອກສູງຂຶ້ນອ່າວຫຼາຍ.
|
|
|
