|
|
 |
| (GMT+08:00)
2007-09-02 16:44:56
|
|
ຈີນຈັດກິດຈະກຳເຜີຍແຜ່ຄວາມຮູ້ດ້ານການປະຢັດພະລັງງານແລະຫລຸດການລະບາຍສິ່ງເຊື່ອມພິດ
cri
ຕາມຂ່າວສານຊີນຮວາ: ໃນເດືອນກັນຍານີ້,ກິດຈະກຳເຜີຍແຜ່ຄວາມຮູ້ດ້ານການປະຢັດພະລັງງານແລະຫລຸດການລະບາຍສິ່ງເຊື່ອມພິດທີ່ສະມາຄົມວິທະຍາສາດເຕັກນິກຈີນຈັດຂຶ້ນນັ້ນຈະດຳເນີນລົງສູ່ລວງເລິກໂດຍຫມູນອ້ອມບັນຫາດ້ານການປະຢັດພະລັງງານໃນຊີວິດປະຈຳວັນຂອງມວນຊົນ.
ວັນທີ 1 ກັນຍານີ້ ຢູ່ປັກກິ່ງ,ລັດຖະບານຈີນໄດ້ຈັດກິດຈະກຳທົ່ວປວງຊົນປະຢັດພະລັງງານແລະຫລຸດການລະບາຍສິ່ງເຊື່ອມພິດ,ເພື່ອໃຫ້ທົ່ວສັງຄົມຕັ້ງຫນ້າເຂົ້າຮ່ວມວຽກງານປະຢັດພະລັງງານແລະຫລຸດການລະບາຍສິ່ງເຊື່ອມພິດໂດຍຜ່ານຈາກການໂຄສະນາທັດສະນະຄະຕິປະຢັດພະລັງງານ ຫລຸດການລະບາຍສິ່ງເຊື່ອມພິດ ເຜີຍແຜ່ເຕັກນິກປະຢັດພະລັງງານແລະອື່ນໆ.
ເປົ້າຫມາຍຂອງລັດຖະບານຈີນແມ່ນ:ເມື່ອຮອດປີ 2010, ການສິ້ນເປືອງພະລັງງານຕໍ່ຍອດມູນຄ່າຜະລິດຕະພັນພາຍໃນປະເທດຂອງຈີນຈະຫລຸດຫນ້ອຍລົງ 20% ເມື່ອທຽບກັບປີ 2005,ປະລິມານລະບາຍສິ່ງເຊື່ອມພິດສຳຄັນຫລຸດຫນ້ອຍລົງ 10%.
|
|
|
