|
ຕາມຂ່າວສານຊິນຮວາ:ຫວ່າງມໍ່ໆນີ້,ເຈົ້າໜ້າທີ່ສະຖານກົງສຸນແລະບຸກຄົນທີ່ກ່ຽວຂ້ອງຂອງຫວຽດນາມ,ມຽນມາ,ໄທແລະກຳປູເຈຍປະຈຳຄຸນມີງໄດ້ໄປຢ້ຽມຢາມແຫຼ່ງຄົ້ນຄວ້າວິທະຍາສາດຂອງສະພາບັນດິດວິທະຍາສາດກະສິກຳແຂວງຢຸນນານ,ພາກັນກ່າວວ່າ,ຫວັງຢາກເພິ່ມທະວີການຮ່ວມມືດ້ານກະສິກຳກັບແຂວງຢຸນນານ,ຢາກນຳເອົາແນວພັນທີ່ມີຄຸນນະພາບດີແລະມີຜົນຫຼາຍເຂົ້າສູ່ປະເທດຂອງຕົນ.
ທ່ານເຈີນສຸນເດິກ ກົງສຸນສະຖານກົງສຸນໃຫຍ່ຫວຽດນາມປະຈຳຄຸນມີງກ່າວວ່າ,ໃນ3ປີມານີ້,ການຮ່ວມມືດ້ານກະສິກຳລະຫວ່າງຫວຽດນາມກັບແຂວງຢຸນນານໄດ້ດຳເນີນຢ່າງສະດວກຫຼາຍ,ປັດຈຸບັນ,ສີ່ແຂວງຂອງຫວຽດນາມທີ່ແປະກັບແຂວງຢຸນນານລ້ວນແຕ່ໄດ້ປູກແນວພັນຜະລິດຕະພັນກະສິກຳທີ່ນຳເຂົ້າຈາກແຂວງຢຸນນານ.
ນາງມົນທາ ປະກອບພິບູນ ຮອງກົງສຸນໃຫຍ່ສະຖານກົງສຸນໃຫຍ່ຂອງໄທປະຈຳເມືອງຄຸນມີງກ່າວວ່າ,ປັດຈຸບັນ,ທົ່ວໂລກພວມປະເຊີນກັບທ່ວງທ່າທີ່ປະຊາກອນເພິ່ມຂຶ້ນແລະທີ່ດິນຫຼຸດໜ້ອຍລົງ,ບັນຫາຄວາມປອດໄພດ້ານທັນຍາຫານໄດ້ຮັບຄວາມເອົາໃຈໃສ່ໂດຍທົ່ວໄປ.ໄທແມ່ນປະເທດທີ່ຖືກະສິກຳເປັນພື້ນຖານ,ມີທ່າແຮງຂອງຕົນໃນດ້ານການຜະລິດ,ການປຸງແຕ່ງແລະການສົ່ງອອກກະສິກຳເປັນຕົ້ນ.ສ່ວນຈີນໄດ້ຢູ່ແຖວໜ້າຂອງໂລກໃນດ້ານການຄົ້ນຄວ້າເຂົ້ານາ,ສະນັ້ນ,ສອງຝ່າຍສາມາດດຳເນີນການແລກປ່ຽນແລະການຮ່ວມມືຢ່າງລະອຽດກວ່າເກົ່າໃນດ້ານການຄົ້ນຄວ້າພັດທະນາຜະລິດຕະພັນກະສິກຳ.
|
