|
|
 |
| (GMT+08:00)
2007-09-05 16:27:07
|
 |
|
ປະຊາກອນຈີນທີ່ເຂົ້າຮ່ວມການຮ່ວມມືປີ່ນປົວຊົນນະບົດແບບໃໝ່ໄດ້ກວມປະຊາກອນກະສິກຳທົ່ວປະເທດເຖິງ80%ຂຶ້ນໄປ
cri
Author: da
ຕາມຂ່າວCRI: ນັບມາຮອດທ້າຍເດືອນມິຖຸນາປີນີ້ ປະຊາກອນຈີນທີ່ເຂົ້າຮ່ວມການ ຮ່ວມມືປີ່ນປົວຊົນນະບົດແບບໃໝ່ມີ 720 ລ້ານຄົນ,ກວມປະຊາກອນກະສິກຳທົ່ວປະເທດ80%ຂຶ້ນໄປ.ທ່ານເສີງຈູ ລັດຖະມົນຕີວ່າການກະຊວງສາທາລະນະສຸກຈີນເປີດເຜີຍໃຫ້ຮູ້ໃນວັນທີ5ກັນຍານີ້.
ການຮ່ວມມືປີ່ນປົວຊົນນະບົດແບບໃໝ່ແມ່ນລະບຽບການປະກັນການປີ່ນປົວທີ່ຊາວກະສິກອນສະໝັກເຂົ້າຮ່ວມທີ່ຈີນດຳເນີນຢູ່ເຂດຊົນນະບົດ,ລະບຽບການນີ້ແມ່ນ:ຊາວກະສິກອນຈ່າຍເງິນ20%,ລັດຈ່າຍເງິນ80%,ເພື່ອປະກອບເປັນກອງທຶນປີ່ນປົວ,ຊາວກະສິກອນທີ່ເຂົ້າຮ່ວມການຮ່ວມມືປີ່ນປົວສາມາດແຈ້ງໃບບິນເພື່ອເອົາຄ່າປີ່ນປົວສ່ວນໜຶ່ງຄືນຈາກກອງທຶນປີ່ນປົວ.
ທ່ານເສີງຈູກ່າວວ່າ,ນັບແຕ່ຈີນທົດລອງປະຕິບັດລະບຽບການຮ່ວມມືປີ່ນປົວຊົນນະບົດແບບໃໝ່ດັ່ງກ່າວເມື່ອປີ2003ມານີ້,ໄດ້ໝູນເດີນເປັນຢ່າງດີແລະໄດ້ຮັບຜົນອັນເດັ່ນຊັດ,ພຽງແຕ່ໃນ6ເດືອນຕົ້ນປີນີ້ ກໍມີຊາວກະສິກອນ 160 ລ້ານຄົນໄດ້ຮັບຜົນປະໂຫຍດ.
|
|
|
