|
ນັກຈ່າວຈີນແລະຕ່າງປະເທດ70ກວ່າຄົນເຂົ້າຮ່ວມກິດຈະກຳຮ່ວມກັນເອົາຂ່າວວິທະຍຸແລະໂທລະພາບສາກົນທີ່ຊື່ວ່າ"ສຸມໃສ່ກວາງຊີອ່າວພາກເໜືອ"
cri
ຕາມຂ່າວສານຊິນຮວາ,ກິດຈະກຳຮ່ວມກັນເອົາຂ່າວວິທະຍຸແລະໂທລະພາບສາກົນທີ່ຊື່ວ່າ"ສຸມໃສ່ກວາງຊີອ່າວພາກເໜືອ"ໄດ້ເລີ່ມຕົ້ນຢ່າງເປັນທາງການຢູ່ນານນິງ ເມືອງພາກຕາເວັນຕົກສຽງໃຕ້ຂອງຈີນໃນວັນທີ6ກັນຍານີ້.ສະຖານີວິທະຍຸ,ໂທລະພາບ26ແຫ່ງ,ນັກຂ່າວ70ກວ່າຄົນຂອງຈີນແລະຕ່າງປະເທດໄດ້ເຂົ້າຮ່ວມກິດຈະກຳຮ່ວມກັນເອົາຂ່າວເທື່ອນີ້.
ກິດຈະກຳຮ່ວມກັນເອົາຂ່າວເທື່ອນີ້ມີຈຸດປະສົງເພື່ອຊຸກຍູ້ການສ້າງສະພາບໃໝ່ແຫ່ງການຮ່ວມມືດ້ານເສດຖະກິດພາກພື້ນຈີນ-ອາຊຽນ,ຊຸກຍູ້ການຮ່ວມມືດ້ານເສດຖະກິດຂອງບໍລິເວນອ່າວພາກເໜືອ.
ນັກຂ່າວຂອງຄະນະຮ່ວມກັນເອົາຂ່າວຕ່າງມາຈາກວິທະຍຸແລະໂທລະພາບແຫ່ງຊາດຫຼືວິທະຍຸແລະໂທລະພາບສຳຄັນຂອງຈີນແລະ9ປະເທດສະມາຊິກອາຊຽນເຊັ່ນລາວ,ກຳປູເຈຍ,ອິນໂດເນເຊຍ,ມາເລເຊຍ,ໄທແລະຫວຽດນາມເປັນຕົ້ນ.
ເຂດເສດຖະກິດອ່າວພາກເໜືອຕັ້ງຢູ່ພາກໃຕ້ຂອງເຂດກວາງຊີຈີນ,ທິດຕາເວັນຕົກແມ່ນຫວຽດນາມ,ມີເນື່ອທີຕັ້ງ7ໝື່ນກວ່າກິໂລແມັດມົນທົນ.ເຂດເສດຖະກິດນີ້ແມ່ນເຂດແຄມທະເລພຽງແຫ່ງດຽວຂອງພາກຕາເວັນຕົກຈີນ,ຕັ້ງຢູ່ໃຈກາງຂອງເຂດການຄ້າເສລີຈີນອາຊຽນ.
|
|
