|
|
 |
| (GMT+08:00)
2007-09-13 16:33:10
|
 |
|
ຄວາມປອດໄພທັນຍາຫານຂອງຈີນມີການຮັບປະກັນ
cri
ຕາມຂ່າວ cri:ວັນທີ 13 ກັນຍານີ້ ຢູ່ປັກກິ່ງ, ທ່ານອິນເຊິງເຈ ລັດຖະມົນຕີຊ່ວຍວ່າການກະຊວງກະສິກຳຈີນກ່າວວ່າ, ສັງເກດຈາກສະພາບກວມລວມໃນປັດຈຸບັນແລ້ວເຫັນວ່າ, ຄວາມປອດໄພຂອງທັນຍາຫານຈີນແມ່ນຮັບປະກັນໄດ້.
ທ່ານອິນເຊິງເຈກ່າວວ່າ, ໃນ 10 ປີມານີ້, ທັນຍາຫານຂອງຈີນອັດຕາກຸ້ມຕົນເອງຈີນໄດ້ຮັກສາຢ່ໃນລະດັບູ 95% ຂຶ້ນໄປ, ການຜະລິດກັບຄວາມຕ້ອງການທັນຍາຫານດຸນດ່ຽງກັນໂດຍພື້ນຖານ.ທ້າຍປີ 2006,ປະລິມານທັນຍາຫານຂອງລັດທີ່ສະສົມໄວ້ໄດ້ເພີ່ມຂຶ້ນຫລາຍກວ່າໄລຍະດຽວກັນຂອງປີ 2005 15 ຕື້ກວ່າກິໂລ.ອັດຕາປະລິມານສະສົມໃນສາງກັບປະລິມານຈຳຫນ່າຍສູງກວ່າເສັ້ນປອດໄພທີ່ອົງການຟາວກຳນົດໄວ້ຢ່າງຫລວງຫລາຍ.
ພ້ອມກັນນັ້ນ, ທ່ານອິນເຊິງເຈຊີ້ອອກວ່າ, ການຜະລິດທັນຍາຫານຂອງຈີນໄດ້ປະເຊີນກັບແຮງກົດດັນທີ່ຄວາມຕ້ອງການເພີ່ມຂຶ້ນ, ຄວາມຂັດແຍ່ງກັນດ້ານອົງປະກອບພົ້ນເດັ່ນ.ຈີນຈະສືບຕໍ່ຮັກສາແລະລະດົມຄວາມຫ້າວຫັນຂອງຊາວກະສິກອນໃນການປູກທັນຍາຫານ, ປະຕິບັດລະບຽບການປ້ອງກັນດິນປູກຝັງຢ່າງເຂັ້ມງວດ,ຮັກສາເນື້ອທີ່ປູກທັນຍາຫານແລະຂະຫຍາຍໃຫ້ ກວ້າງອອກ,ຍົກປະສິດທິພາບການຜະລິດດ້ານກະສິກຳແລະຄວາມສາມາດໃນການຕ້ານໄພແລະຫລຸດຄວາມເສຍຫາຍຍ້ອນໄພທຳມະຊາດ,ເພີ່ມທະວີການກໍ່ສ້າງຄວາມສາມາດໃນການຜະລິດທັນຍາຫານແບບສັງລວມ.
|
|
|
