|
|
 |
| (GMT+08:00)
2007-09-15 18:16:07
|
 |
|
ປີນີ້ ຜົນຜະລິດເຂົ້າສານຂອງຈີນຈະອຸດົມສົມບູນຕໍ່
cri
Author: da
ຕາມຂ່າວສານຊິນຮວາ: ຫວ່າງມໍ່ໆນີ້ ທ່ານຊ້າງຊຽງມິນ ຫົວໜ້າສູນຂໍ້ມູນຂ່າວສານທັນຍາຫານແລະນ້ຳມັນແຫ່ງຊາດຈີນກ່າວວ່າ,ຄາດວ່າ ປີນີ້ ຜົນຜະລິດເຂົ້າສານຂອງຈີນຈະສືບຕໍ່ອຸດົມສົມບູນ,ສະຖານະການສະໜອງກັບຄວາມຕ້ອງການໃນຕະຫຼາດເຂົ້າສານຂອງທົ່ວປະເທດຈະໄດ້ຮັບການປັບປຸງໃຫ້ດີຂຶ້ນຕື່ມອີກ.
ມື້ດຽວກັນ ໃນ"ງານວິເຄາະຕະຫຼາດແລະງານສັງສັນການຄ້າທັນຍາຫານແລະນ້ຳມັນໃນລະດູໃບໄມ້ຫຼົ່ນຂອງຈີນປີ2007"ທີ່ຈັດຂຶ້ນຢູ່ຮາບິນ ພາກຕາເວັນອອກສຽງເໜືອຂອງຈີນ ທ່ານຊ້າງຊຽງມິນກ່າວວ່າ,ຜົນຜະລິດເຂົ້າສານຂອງຈີນເພີ່ມຂຶ້ນຢ່າງຕໍ່ເນື່ອງ,ອັນໄດ້ປ່ຽນແປງສະພາບການທີ່ຈຳນວນຜົນຜະລິດເຂົ້າສານຕ່ຳກວ່າຈຳນວນການບໍລິໂພກພາຍໃນປະເທດ,ຕະຫຼາດເຂົ້າສານຈີນບັນລຸຄວາມກ້ຳເກັ່ງກັນຄັ້ງໃໝ່.ເຊິ່ງມີຄວາມໝາຍສຳຄັນທີ່ສຸດຕໍ່ການຮັບປະກັນຄວາມປອດໄພດ້ານທັນຍາຫານພາຍໃນປະເທດ.
ກ່ອນໜ້ານີ້,ສູນຂໍ້ມູນຂ່າວສານທັນຍາຫານແລະນ້ຳມັນແຫ່ງຊາດຈີນໄດ້ປະກາດການຄາດຄະເນເນື້ອທີ່ປູກຝັງແລະຜົນຜະລິດພືດທັນຍາຫານແລະນ້ຳມັນຕົ້ນຕໍຂອງຈີນໃນປີ2007ໂດຍສະແດງໃຫ້ເຫັນວ່າ,ຄາດວ່າ ປີນີ້ ຜົນຜະລິດເຂົ້າສານແມ່ນ 180 ລ້ານໂຕນ,ເພີ່ມຂຶ້ນຫຼາຍກວ່າປີກາຍນີ້ 3 ລ້ານ3 ແສນກວ່າໂຕນ.
|
|
|
