|
ການຮ່ວມມືດ້ານການສຶກສາລະຫວ່າງເຂດກວາງຊີຂອງຈີນກັບອາຊຽນນັບມື້ນັບດີຂຶ້ນ
cri
ຕາມຂ່າວສານຊີນຮວາ: ໃນນັກສຶກສາຕ່າງປະເທດປະມານ 600 ຄົນທີ່ຮຽນຢູ່ມະຫາວິທະຍາໄລສ້າງຄູກວາງຊີທີ່ພາກຕາເວັນຕົກສຽງໃຕ້ຂອງຈີນ, ມີ 500 ກວ່າຄົນມາຈາກອາຊຽນ, ນີ້ໝາຍຄວາມວ່າ, ການຮ່ວມມືດ້ານການສຶກສາລະຫວ່າງເຂດກວາງຊີຂອງຈີນກັບອາຊຽນນັບມື້ນັບດີຂຶ້ນ.
ວັນທີ 18 ກັນຍານີ້, ໃນງານໂອ້ລົມການຮ່ວມມືດ້ານການສຶກສາຂອງອາຊຽນທີ່ຈັດຂຶ້ນຢູ່ມະຫາວິທະຍາໄລສ້າງຄູກວາງຊີ, ບຸກຄົນວົງການສຶກສາຂອງຈີນແລະປະເທດອາຊຽນກ່າວວ່າ, ຄຽງຄູ່ກັບເຂດການຄ້າເສລີຈີນອາຊຽນເລີ່ມສ້າງຢ່າງຮອບດ້ານ, ກວາງຊີທີ່ຕິດກັບອາຊຽນໄດ້ກາຍເປັນເຂດໜຶ່ງທີ່ຄຶກຄັກກວ່າໝູ່ໃນດ້ານແລກປ່ຽນການສຶກສາລະຫວ່າງຈີນກັບອາຊຽນ.
ຕາມແນະນຳວ່າ, ໃນຫຼາຍປີມານີ້, ນັກສຶກສາຕ່າງປະເທດທີ່ຮຽນຢູ່ເຂດກວາງຊີມີປະມານ 2 ພັນຄົນຕໍ່ປີ, ສ່ວນຫຼາຍມາຈາກປະເທດອາຊຽນ. ນັກສຶກສາທີ່ເຂດກວາງຊີສົ່ງໄປຮຽນຢູ່ປະເທດອາຊຽນກໍໄດ້ເພີ່ມຂຶ້ນນຳຄູ່ປີ.
|
|
