|
ການໄຂປະຕູສູ່ພາຍນອກຂອງຈີນເຂົ້າສູ່ໄລຍະໃໝ່
cri
ຕາມຂ່າວສານຊິນຮວາ,ວັນທີ19ກັນຍານີ້,ກົມສະຖິຕິແຫ່ງຊາດຈີນໄດ້ປະກາດບົດລາຍງານໂດຍຊີ້ອອກວ່າ,ນັບແຕ່ປີ2003ຫາປີ2006,ການຄ້າກັບຕ່າງປະເທດຂອງຈີນໄດ້ມີຂະໜາດເປີດກວ້າງອອກຢ່າງຕໍ່ເນື່ອງ,ໄດ້ດຶດດູດນັກທຸລະກິດມາລົງທຶນຢ່າງໜັກແໜ້ນ,ການໄຂປະຕູສູ່ພາຍນອກໄດ້ເຂົ້າສູ່ໄລຍະໃໝ່.
ບົດລາຍງານຂຽນວ່າ,ຍອດມູນຄ່າການຄ້າຂາເຂົ້າຂາອອກຂອງຈີນໃນປີ2006ແມ່ນ2,8ເທົ່າຂອງປີ2002,ເປັນລຳດັບທີ3ຂອງໂລກ.ແຕ່ປີ2003ຫາປີ2006,ການນຳໃຊ້ເງິນທຶນຕົວຈິງທີ່ນັກທຸລະກິດລົງທຶນໂດຍກົງຢູ່ຈີນໄດ້ເພີ່ມຂຶ້ນ4,6%ຕໍ່ປີຢ່າງໝັ້ນທ່ຽງ.ໃນທ້າຍປີ2006,ຈຳນວນວິສາຫະກິດປະເພດຕ່າງໆຂອງຈີນທີ່ດຳເນີນການລົງທຶນຕົວຈິງແລະທຸລະກິດຂ້າມຊາດໄດ້ເພີ່ມຂຶ້ນຮອດ3ໝື່ນກວ່າແຫ່ງ,ໄດ້ລົງທຶນຢູ່160ກວ່າປະເທດໃນໂລກ.
ບົດລາຍງານຍັງສະແດງໃຫ້ເຫັນວ່າ,ນັບແຕ່ປີ2003ຮອດປີ2006,ການທ່ອງທ່ຽວສາກົນຂອງຈີນໄດ້ພັດທະນາຢ່າງໜັກແໜ້ນ,ນັບລວມແລ້ວໄດ້ຕ້ອນຮັບນັກທ່ອງທ່ຽວ440ລ້ານກວ່າເທື່ອຄົນ,ສະເລ່ຍແລ້ວໄດ້ເພີ່ມຂຶ້ນຫຼາຍກວ່າ6%ຕໍ່ປີ.
|
|
