|
ຝ່າຍຈີນທວງໃຫ້ອາເມລິກາເຊົາແຊກແຊງວຽກງານພາຍໃນຂອງ ຈີນດ້ວຍສາສະຫນາແລະບັນຫາອື່ນໆເປັນຂໍ້ອ້າງໃນທັນທີ
cri
ຕາມຂ່າວ cri:ວັນທີ 20 ກັນຍານີ້ ຢູ່ປັກກິ່ງ ທ່ານນາງຈ່ຽງອີ ໂຄສົກກະຊວງການຕ່າງປະເທດຈີນກ່າວວ່າ, ຝ່າຍຈີນທວງໃຫ້ຝ່າຍອາເມ ລິກາເຊົາແຊກແຊງວຽກງານພາຍໃນຂອງຈີນດ້ວຍສາສະຫນາແລະບັນຫາອື່ນໆໃນທັນທີ, ເຮັດວຽກທີ່ມີຜົນດີຕໍ່ການເພີ່ມຄວາມເຂົ້າໃຈກັນແລະຄວາມໄວ້ເນື້ອເຊື່ອໃຈລະຫວ່າງຈີນອາເມລິກາໃຫ້ຫລາຍ.
ຫວ່າງມໍ່ໆນີ້, ກະຊວງການຕ່າງປະເທດອາເມລິກາໄດ້ເປີດເຜີຍບົດລາຍງານຄວາມເສລີພາບທາງດ້ານສາສະຫນາສາກົນປີ 2007,ໃນຕອນກ່າວເຖີງຈີນ,ບົດລາຍງານດັ່ງກ່າວໄດ້ສືບຕໍ່ຕິຕຽນນະໂຍບາຍສາສະຫນາແລະສະພາບເສລີພາບດ້ານການເຊື່ອຖືສາສະຫນາຂອງຈີນ.
ວັນທີ 20 ກັນຍານີ້, ໃນເວລາຕອບຄຳຖາມຂອງນັກຂ່າວ, ທ່ານນາງຈ່ຽງອີກ່າວວ່າ, ໃນຕອນກ່າວເຖີງຈີນ,ບົດລາຍງານສືບຕໍ່ຕິຕຽນນະໂຍບາຍສາສະຫນາແລະຊົນເຜົ່າຂອງຈີນຢ່າງໄຮ້ເຫດຜົນ,ໄດ້ລະເມີດຫລັກມາດຖານພື້ນຖານຂອງການການພົວພັນລະຫວ່າງຊາດ,ໄດ້ແຊກແຊງວຽກງານພາຍໃນຂອງຈີນຢ່າງບັງອາດ,ຝ່າຍຈີນສະແດງຄວາມບໍ່ພໍໃຈຢ່າງແຮງກ້າແລະຄັດຄ້ານຢ່າງເດັດຂາດຕໍ່ເລື່ອງນີ້.
ນາງກ່າວເນັ້ນວ່າ, ເຄົາລົບແລະປົກປ້ອງຄວາມເສລີພາບໃນການເຊື່ອຖືສາສະຫນາຂອງພົນລະເມືອງແມ່ນນະໂຍບາຍພື້ນຖານຍາວນານລາຍຫນຶ່ງຂອງລັດຖະບານຈີນ,ນີ້ແມ່ນເລື່ອງຈິງທີ່ບໍ່ໃຫ້ປະຕິເສດແລະປິດເປືອນ.
|
|
