|
|
 |
| (GMT+08:00)
2007-09-22 18:13:30
|
 |
|
ຈີນຕັ້ງໜ້າສ້າງສາລະບົບການປະກັນສັງຄົມ
cri
Author: da
ຕາມຂ່າວCRI: ຫວ່າງມໍ່ໆນີ້ ຂອບລະບົບສົງເຄາະຊ່ອຍເຫຼືອຂອງສັງຄົມຈີນໄດ້ສ້າງຂຶ້ນໂດຍພື້ນຖານ,ຊີວິດການເປັນຢູ່ພື້ນຖານຂອງປະຊາຊົນຜູ່ທຸກຍາກສ່ວນຫຼາຍທີ່ສຸດໃນຕົວເມືອງແລະຊົນນະບົດໄດ້ມີການຮັບປະກັນອ່າວດີ.
ວັນທີ22ກັນຍານີ້ ໃນກອງປະຊຸມເວທີປຶກສາຫາລືປະກັນສັງຄົມຈີນປີ2007ທີ່ຈັດຂຶ້ນຢູ່ປັກກິ່ງ ທ່ານຫຼີລີໂກ ລັດຖະມົນຕີຊ່ວຍວ່າການກະຊວງການປົກຄອງແລະປະຊາສົງເຄາະຈີນກ່າວວ່າ,ການສົງເຄາະຊ່ອຍເຫຼືອຂອງສັງຄົມ ສະຫວັດດີການສັງຄົມແລະວຽກງານກຸສົນສັງຄົມແມ່ນພາກປະກອບສ່ວນທີ່ສຳຄັນຂອງລະບົບປະກັນສັງຄົມຈີນ ຕໍ່ໄປພາຍໜ້າ ຈີນຈະສືບຕໍ່ບູລະນະໂຄງປະກອບສົງເຄາະຊ່ອຍເຫຼືອໃຫ້ດີຂຶ້ນ,ເລັ່ງລັດຈໍ່ຕົວເປັນລະບົບສົງເຄາະຊ່ອຍເຫຼືອສັງຄົມທີ່ຖືການຮັບປະກັນລະດັບຊີວິດການເປັນຢູ່ຕ່ຳສຸດເປັນພື້ນຖານ,ຖືເອົາການກູ້ໄພດ່ວນ ການປິ່ນປົວພະຍາດ ແລະຊ່ວຍກູ້ຄົນພະເນຈອນຂໍທານເປັນເນື້ອໃນສຳຄັນ,ຖືເອົາການສົງເຄາະຊ່ອຍເຫຼືອຊົ່ວຄາວເປັນການເພີ່ມເຕີມ,ແລະສອດຄ່ອງກັບການຊ່ອຍເຫຼືອກອບກູ້ພິເສດໃນດ້ານເຮືອນຢູ່ ການສຶກສາ ແລະຍຸດຕິທຳເປັນຕົ້ນ ທັງກວມເຖິງຕົວເມືອງແລະຊົນນະບົດທົ່ວປະເທດ.
ນັບມາຮອດປະຈຸບັນ,ລະບອບປະກັນຊີວິດການເປັນຢູ່ຕ່ຳສຸດຂອງຕົວເມືອງຈີນໄດ້ຮັບປະກັນຊີວິດການເປັນຢູ່ທີ່ປົກກະຕິຂອງປະຊາຊົນຜູ່ທຸກຍາກໃນຕົວເມືອງຈີນລວມ22ລ້ານຄົນ.ລະບອບປະກັນຊີວິດການເປັນຢູ່ຕ່ຳສຸດຊົນນະບົດພວມສ້າງຂຶ້ນໂດຍທົ່ວໄປໃນທົ່ວປະເທດ,ໄດ້ກວມປະຊາຊົນຜູ່ທຸກຍາກໃນຊົນນະບົດ 20 ກວ່າລ້ານຄົນ.
|
|
|
