|
ຮອງນາຍົກລັດຖະມົນຕີຈີນກ່າວວ່າຕ້ອງເລັ່ງລັດພັດທະນາຂະແໜງການບໍລິການໃຫ້ເປັນຂະແໜງການຕົ້ນຕໍຂອງເສດຖະກິດແຫ່ງຊາດ
cri
ຕາມຂ່າວສານຊິນຮວາ,ຫວ່າງມໍ່ໆນີ້,ທ່ານເຈິ່ງໄຜຢຽນ ຮອງນາຍົກລັດຖະມົນຕີຈີນກ່າວວ່າ,ຕ້ອງເລັ່ງລັດພັດທະນາຂະແໜງການບໍລິການໃຫ້ເປັນຂະແໜງການຕົ້ນຕໍຂອງເສດຖະກິດແຫ່ງຊາດຈີນ.
ແຕ່ວັນທີ21ຫາວັນທີ22ກັນຍານີ້, ກອງປະຊຸມວຽກງານຂະແໜງການບໍລິການທົ່ວປະເທດຈີນໄດ້ໄຂຂຶ້ນຢູ່ນະຄອນເຮີໄຝແຂວງອ່ານຮຸ່ຍ ພາກກາງຂອງຈີນ.ໃນກອງປະຊຸມ,ທ່ານເຈິ່ງໄຜຢຽນກ່າວວ່າ, ຫຼາຍປີມານີ້,ຂະແໜງການບໍລິການຂອງຈີນມີຂະໜາດເປີດກວ້າງອອກຢ່າງຕໍ່ເນື່ອງ,ຜູ່ປະກອບອາຊີບໃນຂະແໜງດັ່ງກ່າວໄດ້ເພີ່ມຂຶ້ນຢ່າງວ່ອງໄວ.ພາຍໃຕ້ສະພາບການໃໝ່,ຕ້ອງເລັ່ງລັດພັດທະນາຂະແໜງການບໍລິການສະໄໝໃໝ່ເຊັ່ນການບໍລິການຈໍລະຈອນສິນຄ້າ,ການທະນາຄານແລະການປະກັນໄພ,ການບໍລິການດ້ານຂໍ້ມູນຂ່າວສານ,ການບໍລິການດ້ານວິທະຍາສາດເຕັກນິກ,ການບໍລິການດ້ານການຄ້າ,ການບໍລິການອະນຸລັກສິ່ງແວດລ້ອມ,ການຮັບເໝົາກິດຈະການ,ການບໍລິການໃຫ້ວິສາຫະກິດພາຍນອກມາຮັບເໝົາກິດຈະກຳຂອງຕົນເປັນຕົ້ນ,ເພີ່ມການສະໜອງການບໍລິການສາທາລະນະໃຫ້ຫຼາຍຂຶ້ນຢ່າງແທ້ຈິງ,ຕັ້ງໜ້າຖອດຖອນເອົາບົດຮຽນກ້າວໜ້າດ້ານການພັດທະນາຂະແໜງການບໍລິການຂອງຕ່າງປະເທດ,ສະໜັບສະໜູນວິສາຫະກິດບໍລິການທີ່ມີກຳລັງຕົວຈິງກ້າວໄປສູ່ຕະຫຼາດສາກົນ.
ອີງຕາມເປົ້າໝາຍຂອງລັດຖະບານຈີນ,ເມື່ອຮອດປີ2020,ມູນຄ່າຂະແໜງການບໍລິການໃນທົ່ວປະເທດຈີນຈະກວມGDPຫຼາຍກວ່າ50%.ເຮັດໃຫ້ອົງປະກອບເສດຖະກິດຫັນເປັນການຖືເສດຖະກິດບໍລິການເປັນຕົ້ນຕໍໂດຍພື້ນຖານ.
|
|
