|
ຈີນຈະພະຍາຍາມລົບລ້າງສະພາບບໍ່ສະໝ່ຳສະເໝີກັນແຫ່ງການພັດທະນາອິນເຕີເນັດໃນຕົວເມືອງແລະຊົນນະບົດ
cri
ຕາມຂ່າວCRI,ວັນທີ24ກັນຍານີ້,ຢູ່ທີ່ປັກກິ່ງ,ທ່ານຊີໂກຮວາ ລັດຖະມົນຕີຊ່ວຍວ່າການກະຊວງອຸດສາຫະກຳຂໍ້ມູນຂ່າວສານຈີນກ່າວວ່າ,ຈີນຈະຖືການຊຸກຍູ້ການພັດທະນາອິນເຕີເນັດຢູ່ຊົນນະບົດເປັນວຽກງານຈຸດໜັກ,ພະຍາຍາມລົບລ້າງສະພາບບໍ່ສະໝ່ຳສະເໝີກັນແຫ່ງການພັດທະນາອິນເຕີເນັດໃນຕົວເມືອງແລະຊົນນະບົດ.
ໃນກອງປະຊຸມໃຫຍ່ອິນເຕີເນັດຈີນ2007ທີ່ໄຂຂຶ້ນໃນວັນທີ24ກັນຍານີ້,ທ່ານຊີໂກຮວາກ່າວວ່າ,ໃນຫຼາຍປີມານີ້,ອຸດສາຫະກຳອິນເຕີເນັດຂອງຈີນໄດ້ພັດທະນາຢ່າງບໍ່ຢຸດຢັ້ງ,ປະຊາກອນເນັດໄດ້ເພີ່ມຂຶ້ນຢ່າງບໍ່ຢຸດຢັ້ງ.ແຕ່ຜູ່ໃຊ້ອິນເຕີເນັດຂອງຈີນສ່ວນຫຼາຍທີ່ສຸດໂຮມສູນຢູ່ໃນຕົວເມືອງທີ່ເສດຖະກິດພັດທະນາ,ການນຳໃຊ້ອິນເຕີເນັດຂອງເຂດຊົນນະບົດຍັງຢູ່ໃນໄລຍະເບື້ອງຕົ້ນ.ດ້ວຍເຫດນີ້,ຈີນຈະສືບຕໍ່ເສີມສ້າງພື້ນຖານໂຄງລ່າງດ້ານອິນເຕີເນັດຂອງຊົນນະບົດ,ຕາມແຜນການ,ເມື່ອຮອດປີ2010,ເຮັດໃຫ້ທຸກໆຕາແສງໃນຊົນນະບົດລ້ວນແຕ່ຈະໃຊ້ອິນເຕີເນັດໄດ້,ພ້ອມທັງເລັ່ງລັດການເຜີຍແຜ່ອິນເຕີເນັດສາຍກວ້າງຢູ່ຊົນນະບົດ,ຊຸກຍູ້ການພັດທະນາເສດຖະກິດຊົນນະບົດ.
ກອງປະຊຸມໃຫຍ່ອິນເຕີເນັດຈີນ2007ຈະດຳເນີນເປັນເວລາ3ມື້,ມີຫົວຂໍ້ວ່າ"ອິນເຕີເນັດທີ່ກົມກຽວກັນ ການບໍລິການດ້ວຍຄຸນນະພາບສູງ"
|
|
