|
|
 |
| (GMT+08:00)
2007-09-25 20:12:49
|
 |
|
ນະໂຍບາຍດຶງດູດທຶນຕ່າງປະເທດຂອງຈີນຈະບໍ່ປ່ຽນແປງ
cri
ຕາມຂ່າວສານຊີນຮວາ: ວັນທີ 25 ກັນຍານີ້, ທ່ານຈຽງເຈິ່ງເວີຍ ລັດຖະມົນຕີຊ່ວຍວ່າການກະຊວງການຄ້າຈີນກ່າວວ່າ, ຈີນຍັງຕ້ອງດຶງດູດທຶນຕ່າງປະເທດຢ່າງຕັ້ງໜ້າ, ນະໂຍບາຍດຶງດູດທຶນຕ່າງປະເທດຂອງຈີນຈະບໍ່ປ່ຽນແປງ.
ໃນໄລຍະມໍ່ໆນີ້, ລັດຖະບານຈີນໄດ້ໃຊ້ມາດຕະການດັດສົມຄວບຄຸມມະຫາພາກຕ່າງໆ, ຍັງໄດ້ປະກາດຂໍ້ກຳນົດທີ່ເຮັດໃຫ້ການໂຮມຕົວຂອງວິສາຫະກິດທຶນຕ່າງປະເທດເປັນແບບແຜນ. ສະນັ້ນຈຶ່ງເຮັດໃຫ້ບາງຄົນເດົາທວາຍວ່າຈີນຈະປ່ຽນແປງນະໂຍບາຍດຶງດູດທຶນຕ່າງປະເທດຢ່າງຕັ້ງໜ້ານັ້ນຫຼືບໍ່.
ໃນ"ງານສົນທະນາຂອງວິສາຫະກິດສຸດຍອດ 500 ແຫ່ງໃນໂລກທີ່ເຊສວນ" ເຊິ່ງຈັດຂຶ້ນຢູ່ເມືອງເສີງຕູ່ ພາກຕາເວັນຕົກຂອງຈີນ, ທ່ານຈຽງເຈິ່ງເວີຍກ່າວວ່າ, ທຶນຕ່າງປະເທດຂອງຈີນບໍ່ມີບັນຫາທີ່ວ່າຫຼາຍເກີນໄປ.
ທ່ານຈຽງເຈິ່ງເວີຍຍັງຊີ້ອອກວ່າ, ເຖິງວ່າຈີນມີເງິນຝາກທະນາຄານແລະຄັງສຳຮອງເງິນຕາຕ່າງປະເທດຢ່າງຫຼວງຫຼາຍກໍ່ຕາມ, ແຕ່ເງິນທຶນບໍ່ແມ່ນທຶນຮອນ. ຈີນດຶງດູດທຶນຕ່າງປະເທດບໍ່ພຽງແຕ່ຍ້ອນຈີນຂາດເງິນທຶນເທົ່ານັ້ນ, ຫາກແມ່ນຢາກດຶງດູດຄວາມສາມາດແກ່ງແຍ່ງປະເພດຕ່າງໆໃນການຈໍລະຈອນເງິນທຶນ.
ທ່ານກ່າວວ່າ, ລັດຖະບານຈີນປັບປຸງນະໂຍບາຍແລະກົດໝາຍຈຳນວນໜຶ່ງ, ຈຸດປະສົງແມ່ນຢາກສະໜອງຕະຫຼາດທີ່ສະເໝີພາບ ໄຂປະຕູ ແລະເປັນແບບແຜນໃຫ້ວິສາຫະກິດປະເພດຕ່າງໆ. ເບິ່ງໃນດ້ານຍາວໄກແລ້ວ, ນີ້ແມ່ນມີຜົນດີຕໍ່ວິສາຫະກິດພັດທະນາຢ່າງປອດໃສ ລົງເລິກການຮ່ວມມືເສດຖະກິດການຄ້າລະຫວ່າງຊາດ ແລະເຮັດໃຫ້ການຄ້າສາກົນດຸນດ່ຽງກັນ.
|
|
|
