|
ອັດຕາກຳເນີດຜູ່ທຸກຍາກຂອງຊົນນະບົດຈີນຈາກ31%ຫຼຸດລົງຮອດ2,5%
cri
ຕາມຂ່າວສານຊິນຮວາ,ຫວ່າງມໍ່ໆນີ້,ຢູ່ທີ່ປັກກິ່ງ,ກອງທຶນຄົ້ນຄວ້າການພັດທະນາຂອງຈີນໄດ້ປະກາດບົດລາຍງານສະບັບໜຶ່ງໂດຍຊີ້ອອກວ່າ,ໃນເກືອບ30ປີທີ່ຜ່ານມາ,ປະຊາກອນຜູ່ທຸກຍາກໃນຊົນນະບົດຂອງຈີນໄດ້ຈາກ250ລ້ານຄົນໃນປີ1978ຫຼຸດລົງຮອດ20ລ້ານກວ່າຄົນໃນປັດຈຸບັນ,ອັດຕາກຳເນີດຜູ່ທຸກຍາກໄດ້ຈາກ31%ຫຼຸດລົງຮອດ2,5%.
ບົດລາຍງານເຫັນວ່າ,ຜົນສຳເລັດໃນການຫຼຸດຜ່ອນຄວາມທຸກຍາກຂອງຈີນແມ່ນໄດ້ມາຈາກເສດຖະກິດທີ່ພັດທະນາຢ່າງວ່ອງໄວແລະນະໂຍບາຍບຳບັດຄວາມທຸກຍາກອັນຕັ້ງໜ້າ.ພ້ອມກັນນັ້ນ,ບົດລາຍງານກໍໄດ້ຊີ້ອອກວ່າວຽກງານຫຼຸດຜ່ອນຄວາມທຸກຍາກຂອງຈີນຍັງລຳບາກຫຼາຍແລະມີການທ້າທາຍຕ່າງໆນາໆ.ບົດລາຍງານຂຽນວ່າ,ຈີນຕ້ອງຜ່ານຈາກການສ້າງຕັ້ງແລະບູລະນະລະບົບປະກັນສັງຄົມໃນຕົວເມືອງແລະຊົນນະບົດມາລົບລ້າງຄວາມທຸກຍາກ.ພ້ອມທັງຕ້ອງການເນັ້ນໜັກການຍົກສູງຄວາມສາມາດພັດທະນາຂອງປະຊາກອນຜູ່ທຸກຍາກ,ເລັ່ງລັດພັດທະນາເສດຖະກິດແລະສັງຄົມຂອງເຂດທຸກຍາກ.
ບົດລາຍງານຍັງຊີ້ອອກວ່າ,ຮູບການທີ່ດີທີ່ສຸດຂອງການບຳບັດຄວາມທຸກຍາກຂອງຈີນແມ່ນຖືລັດຖະບານເປັນກຳລັງຕົ້ນຕໍ,ແຕ່ກໍຕ້ອງລະດົມຊັບພະຍາກອນສັງຄົມເຊິ່ງລວມທັງອົງການຈັດຕັ້ງປະຊາຊົນມາເຂົ້າຮ່ວມຫຼາຍກວ່າເກົ່າ,ເພື່ອບັນລຸຮູບການໝູນເດີນທີ່ຄ້ຳຊູແລະຊ່ວຍເຫຼືອເຊິ່ງກັນແລະກັນ.
|
|
