|
ການລົງທຶນໂດຍກົງໃນຂະແໜງການທີ່ບໍ່ແມ່ນການທະນາຄານຢູ່ຕ່າງປະເທດຂອງຈີນໄດ້ເພີ່ມຂຶ້ນຢ່າງຫຼວງຫຼາຍ
cri
ຕາມໜັງສືພິມເຢິນມິນຢື້ປ້າວຂອງຈີນສະບັບຕ່າງປະເທດ,ກະຊວງການຄ້າຈີນແຈ້ງຂ່າວວ່າ,ໃນຫົກເດືອນຕົ້ນປີນີ້,ຈີນລົງທຶນໂດຍກົງໃນຂະແໜງການທີ່ບໍ່ແມ່ນການທະນາຄານຢູ່ຕ່າງປະເທດໄດ້ບັນລຸເຖິງ7ຕື້800ລ້ານໂດລາ,ເພີ່ມຂຶ້ນຫຼາຍກວ່າເວລາດຽວກັນຂອງປີກາຍ20%ຂຶ້ນໄປ.
ໃນຊຸມປີມໍ່ໆມານີ້,ຂົງເຂດການລົງທຶນໂດຍກົງຢູ່ຕ່າງປະເທດຂອງຈີນໄດ້ເປີດກວ້າງອອກຢ່າງບໍ່ຢຸດຢັ້ງ,ໃນໄລຍະເບື້ອງຕົ້ນໄດ້ຖືການຄ້າຂາເຂົ້າຂາອອກ,ການຂົນສົ່ງທາງເຮືອແລະການກິ່ນດື່ມເປັນຕົ້ນຕໍ,ປັດຈຸບັນໄດ້ຂະຫຍາຍໄປເຖິງຂົງເຂດຕ່າງໆເຊັ່ນການປຸງແຕ່ງແລະການຜະລິດ,ການນຳໃຊ້ຊັບພະຍາກອນ,ການຮັບເໝົາໂຄງການ,ການຮ່ວມມືດ້ານກະສິກຳແລະການຄົ້ນຄວ້າພັດທະນາເປັນຕົ້ນ.ຜູ່ຮັບຜິດຊອບທີ່ກ່ຽວຂ້ອງຂອງກະຊວງການຄ້າຈີນກ່າວວ່າ,ໃນຕໍ່ໜ້າ,ຈີນຈະວາງສະໂຍບາຍດ້ານການລົງທຶນ,ເງິນຕາຕ່າງປະເທດ,ການປະກັນໄພ,ພາສີເປັນຕົ້ນເພື່ອສົ່ງເສີມວິສາຫະກິດຈີນໄປລົງທຶນຢູ່ຕ່າງປະເທດ.ພ້ອມກັນນັ້ນ,ຈີນຈະເລືອກເອົາປະເທດທີ່ມີປະຊາກອນຫຼາຍ,ມີຕະຫຼາດກວ້າງຂວາງ,ມີຊື່ສຽງອິດທິພົນເພື່ອສ້າງຕັ້ງເຂດຮ່ວມມືດ້ານເສດຖະກິດການຄ້າຢູ່ປະເທດດັ່ງກ່າວ.ຊ່ວຍປະເທດດັ່ງກ່າວຍົກສູງລະດັບເຕັກນິກ,ເຮັດໃຫ້ມີລາຍໄດ້ດ້ານພາສີເພີ່ມຂຶ້ນ,ແລະເພີ່ມວຽກເຮັດງານທຳແລະການສົ່ງອອກໃຫ້ຫຼາຍຂຶ້ນ.
ນັບມາຮອດທ້າຍປີກາຍນີ້,ຈີນໄດ້ລົງທຶນໂດຍກົງໃນຂະແໜງການທີ່ບໍ່ແມ່ນການທະນາຄານຢູ່ຕ່າງປະເທດລວມ75ຕື້ໂດລາ,ເຊິ່ງໄດ້ລົງທຶນຢູ່160ກວ່າປະເທດແລະເຂດແຄວ້ນ.ວິສາຫະກິດເຫຼົ່ານີ້ໄດ້ຊຸກຍູ້ການພັດທະນາເສດຖະກິດຢູ່ແຫ່ງດັ່ງກ່າວ,ຍັງໄດ້ສ້າງວຽກເຮັດງານທຳຢ່າງຫຼວງຫຼາຍໃຫ້ແກ່ປະຊາຊົນຢູ່ແຫ່ງນັ້ນ.
|
|
