|
ຄະນະຜູ້ແທນຝ່າຍຕ່າງໆຂອງການເຈລະຈາ 6 ຝ່າຍຈັດກອງປະຊຸມຫົວໜ້າຄະນະແລະການຕິດຕໍ່ພົວພັນສອງຕໍ່ສອງ
cri
Author: MO
ຕາມຂ່າວCRI, ວັນທີ 28 ກັນຍານີ້, ກອງປະຊຸມໄລຍະທີສອງຂອງການເຈລະຈາ 6 ຝ່າຍຮອບ 6 ກ່ຽວກັບບັນຫານິວເຄຼຍແຫຼມເກົາຫລີໄດ້ເຂົ້າສູ່ມື້ທີສອງ. ຕອນເຊົ້າ, ຄະນະຜູ້ແທນຝ່າຍຕ່າງໆໄດ້ຈັດກອງປະຊຸມຫົວໜ້າຄະນະແລະການຕິດຕໍ່ພົວພັນສອງຕໍ່ສອງຢ່າງເປັນລຳດັບ.
ຕາມສູນຖະແຫຼງຂ່າວຂອງການເຈລະຈາ 6 ຝ່າຍເປີດເຜີຍວ່າ, ກອງປະຊຸມຫົວໜ້າຄະນະໃນວັນທີ 28 ໄດ້ດຳເນີນປະມານຊົ່ວໂມງໜຶ່ງ, ຫຼັງຈາກນັ້ນໄດ້ພັກປະຊຸມ, ຝ່າຍຕ່າງໆດຳເນີນການຕິດຕໍ່ພົວພັນສອງຕໍ່ສອງ.
ຕອນເຊົ້າມື້ດຽວກັນ, ໃນເວລາອອກຈາກໂຮງແຮມ, ທ່ານເຄຼິສໂທເຟີ ຮິວ ຫົວໜ້າຄະນະຜູ້ແທນອາເມລິກາກ່າວວ່າ, ຄອງຄອຍຝ່າຍຈີນສາມາດສະເໜີເອກະສານສະບັບຮ່າງໃຫ້ການເຈລະຈາຮອບນີ້, ແລະກຳນົດແຜນທີ່ເສັ້ນທາງເພື່ອການເຄື່ອນໄຫວໃນໄລຍະຂ້າງໜ້າ. ທ່ານອາເລັກຊານເດີ ໂລຊິວຄົບ ຫົວໜ້າຄະນະຜູ້ແທນຣັດເຊຍກ່າວວ່າ, ວັນທີ 28 ກັນຍານີ້ອາດຈະພິຈາລະນາເອກະສານສະຫຼຸບສະບັບຮ່າງ. ທ່ານຈູນຢົງອູ ຫົວໜ້າຄະນະຜູ້ແທນສ.ເກົາຫລີກໍ່ເຜີຍໃຫ້ຮູ້ວ່າ, ຫົວຂໍ້ທີ່ຫາລືໃນມື້ດຽວກັນແມ່ນບັນຫາລາຍງານນິວເຄຼຍແລະເຮັດໃຫ້ສິ່ງກໍ່ສ້າງນິວເຄຼຍປາສະຈາກສັບພະຄຸນ, ຜົນການຫາລືຈະກະທົບເຖິງທິດເດີນໃນພາຍໜ້າຂອງການເຈລະຈາ 6 ຝ່າຍ.
|
|
