|
ຈີນໄດ້ສ້າງລະບົບເຄືອຂ່າຍຄົມມະນາຄົມຂົນສົ່ງຢ່າງສົມບູນ
cri
Author: MO
ຕາມຂ່າວCRI: ວັນທີ 28 ກັນຍານີ້, ກົມສະຖິຕິແຫ່ງຊາດຈີນປະກາດບົດລາຍງານສະບັບໜຶ່ງສະແດງໃຫ້ເຫັນວ່າ, ປັດຈຸບັນ, ຈີນໄດ້ສ້າງລະບົບເຄືອຂ່າຍຄົມມະນາຄົມຂົນສົ່ງຢ່າງສົມບູນທີ່ປະກອບດ້ວຍທາງລົດໄຟ ທາງຫຼວງ ທາງນ້ຳ ແລະການບິນພົນລະເຮືອນ.
ບົດລາຍງານສະແດງໃຫ້ເຫັນວ່າ, ໃນຫຼາຍປີມານີ້, ຈີນຄ່ອຍໆບູລະນະການສ້າງໂຄງລ່າງພື້ນຖານດ້ານຄົມມະນາຄົມຂົນສົ່ງແລະເຮັດໃຫ້ອົງປະກອບການຂົນສົ່ງດີຂຶ້ນ, ພາກສ່ວນຕ່າງໆຂອງຄົມມະນາຄົມຂົນສົ່ງໄດ້ພັດທະນາແລະນຳໃຊ້ໄຮເຕັກໃໝ່ຢ່າງຕັ້ງໜ້າ, ຍົກປະສິດທິພາບການຂົນສົ່ງໃຫ້ສູງຂຶ້ນຕື່ມອີກ, ອອກແຮງຮັບປະກັນຄວາມປອດໄພດ້ານຂົນສົ່ງ.
ໃນພາຍໜ້າ, ຈີນຈະເລັ່ງລັດການສ້າງທາງລົດໄຟແລະເປີດກວ້າງຂະໜາດຕື່ມອີກ, ເພີ່ມທະວີການກໍ່ສ້າງລະບົບຄົມມະນາຄົມທາງລົດໄຟດ່ວນລະຫວ່າງຕົວເມືອງ, ເພີ່ມທະວີການສ້າງຊຸມທາງຄົມມະນາຄົມແລະຕາໜ່າງຂໍ້ມູນຂ່າວສານຄົມມະນາຄົມສັງລວມ, ສ້າງລະບົບຄົມມະນາຄົມແບບສະຫຼາດທີ່ທັນສະໄໝ.
|
|
