|
|
 |
| (GMT+08:00)
2007-09-29 16:10:05
|
 |
|
ງານສຳມະນາຄົ້ນຄວ້າການຮ່ວມມືລະຫວ່າງສື່ມວນຊົນຈີນອາຊຽນຄັ້ງທີສາມຈັດຂຶ້ນຢູ່ເມືອງນານນິງ
cri
ຂ່າວຈາກຫນັງສືພິມເຢີນມີນຢື້ປ້າວ:ວັນທີ 28 ກັນຍານີ້ ງານສຳມະນາຄົ້ນຄວ້າການຮ່ວມມືລະຫວ່າງສື່ມວນຊົນຈີນອາຊຽນຄັ້ງທີສາມໄດ້ຈັດຂຶ້ນຢູ່ເມືອງນານນິງ ເທດສະບານເຂດກວາງຊີເຜົ່າຈ້ວງປົກຄອງຕົນເອງ.ເຈົ້າຫນ້າທີ່ຝ່າຍຖະແຫລງຂ່າວ ຜູ່ຊົງຄຸນວຸທິດຂອງສື່ມວນຊົນສຳຄັນຂອງຈີນແລະປະເທດຕ່າງໆຂອງອາຊຽນໄດ້ເຂົ້າຮ່ວມງານສຳມະນາຄົ້ນຄວ້າດັ່ງກ່າວ.
ຜູ່ຕາງຫນ້າຂອງປະເທດຕ່າງໆທີ່ເຂົ້າຮ່ວມງານສຳມະນາຄົ້ນຄວ້າເທື່ອນີ້ໄດ້ຄົ້ນຄວ້າຫາລືກັນຢ່າງຟົດຟື້ນແລະເລິກເຊິ່ງກ່ຽວກັບຫົວຂໍ້ທີ່ວ່າພ້ອມກັນສ້າງບ້ານອັນດີງາມທີ່ກົມກຽວແລະຮຸ່ງເຮືອງ,ແລະໄດ້ມີຄວາມຮັບຮູ້ຄືກັນຢ່າງກວ້າງຂວາງ.
ໃນເວລາກ່າວຄຳປາໄສ,ທ່ານນາງເອຣີ ວີເທຼຍ ທຼີຊັນທີ ເຈົ້າຫນ້າທີ່ຖະແຫລງຂ່າວຂອງສຳນັກງານເລຂາອາຊຽນກ່າວວ່າ, ຜ່ານຈາກໂຄງການແລກປ່ຽນລະຫວ່າງສື່ມວນຊົນອາຊຽນກັບຈີນ,ຜູ່ປະຕິບັດງານດ້ານຂ່າວສານຂອງປະເທດຕ່າງກັນແລະວັດທະນະທຳຕ່າງກັນຂອງເຂດອາຊີຕາເວັນອອກໄດ້ສ້າງການພົວພັນແຫນ້ນແຟ້ນກວ່າເກົ່າ,ຮັບປະກັນໃຫ້ປະຊາຊົນອາຊຽນແລະປະຊາຊົນຈີນໄດ້ຮູ້ຈັກການຂະຫຍາຍຕົວຂອງການພົວພັນລະຫວ່າງສອງຝ່າຍໃນທຸກໆຂົງເຂດ,ແລະຊຸກຍູ້ຢ່າງແຂງແຮງໃຫ້ການພົວພັນຫມູ່ຄູ່ລະຫວ່າງອາຊຽນກັບຈີນກ້າວໄປຫນ້າ.
|
|
|
