|
|
 |
| (GMT+08:00)
2007-09-30 17:35:48
|
 |
|
ທ່ານຫູຈີນທ່າວກ່າວເນັ້ນວ່າ ຈີນຈະປະຕິບັດນະໂຍບາຍພື້ນຖານຂອງລັດທີ່ໄຂປະຕູສູ່ພາຍນອກຢ່າງໝັ້ນໜຽວບໍ່ປ່ຽນແປງ
cri
Author: cai
ຕາມຂ່າວສານຊີນຮວາ:ທ່ານຫູຈີນທ່າວ ເລຂາທິການໃຫຍ່ສູນກາງພັກກອມມູນິດຈີນກ່າວເນັ້ນຢູ່ປັກກິ່ງວ່າ,ຈີນຈະປະຕິບັດນະໂຍບາຍໄຂປະຕູສູ່ພາຍນອກຢ່າງໝັ້ນໜຽວບໍ່ປ່ຽນແປງ,ຍຶດໝັ້ນຍຸດທະສາດໄຂປະຕູທີ່ຕ່າງຝ່າຍຕ່າງມີຜົນປະໂຫຍດ,ຈໍ່ຕົວເປັນທ່າແຮງໃໝ່ທີ່ເຂົ້າຮ່ວມການຮ່ວມມືແລະແກ່ງແຍ່ງກັນດ້ານເສດຖະກິດສາກົນ,ຍົກລະດັບເສດຖະກິດແບບໄຂປະຕູສູ່ພາຍນອກໃຫ້ສູງຂຶ້ນຢ່າງຮອບດ້ານ.
ວັນທີ 28 ກັນຍານີ້,ກົມການເມືອງສູນກາງພັກກອມມູນິດຈີນໄດ້ຈັດການຮ່ຳຮຽນຮວມໝູ່,ທ່ານຫູຈີນທ່າວໄດ້ກ່າວຄຳປາໄສໂດຍຊີ້ອອກວ່າ,ຄຽງຄູ່ກັບຂະບວນການເສດຖະກິດໂລກາພິວັດໄດ້ຂະຫຍາຍຕົວລົງສູ່ລວງເລິກແລະໂຄງປະກອບເສດຖະກິດຕະຫຼາດສັງຄົມນິຍົມຂອງຈີນສົມບູນຂຶ້ນຢ່າງບໍ່ຢຸດຢັ້ງ,ເງື່ອນໄຂພາຍໃນແລະນອກປະເທດທີ່ຈີນປະເຊີນໜ້າໃນການໄຂປະຕູສູ່ພາຍນອກພວມເກີດການປ່ຽນແປງຢ່າງເລິກເຊິ່ງ,ນີ້ໄດ້ອຳນວຍໂອກາດດີໃຫ້ຈີນເປີດກວ້າງການໄຂປະຕູສູ່ພາຍນອກ ຊຸກຍູ້ເສດຖະກິດໃຫ້ພັດທະນາທັງດີທັງໄວ,ພ້ອມກັນນັ້ນ,ກໍ່ເປັນການທ້າທາຍອັນຂ້ຽວຂາດຕໍ່ການຮັກສາຄວາມປອດໄພຂອງເສດຖະກິດແຫ່ງຊາດ.
ທ່ານຫູຈີນທ່າວກ່າວວ່າ,ຈີນຈະບູລະນະອົງປະກອບແລະການຈັດວາງຂອງການໄຂປະຕູສູ່ພາຍນອກໃຫ້ດີຂຶ້ນ,ຕັ້ງໜ້ານຳເຂົ້າເຕັກນິກແລະບົດຮຽນຄຸ້ມຄອງທີ່ກ້າວໜ້າແລະນັກວິຊາການທີ່ມີຄຸນທາດສູງ,ຮັກສາແລະບູລະນະລະບົບເສດຖະກິດການຄ້າທົ່ວໂລກໃຫ້ສົມບູນຂຶ້ນ,ຫາບແບກໜ້າທີ່ສາກົນທີ່ສົມຄູ່ກັບລະດັບພັດທະນາແລະຄວາມສາມາດຂອງຈີນຢ່າງເປັນເຈົ້າການ.
|
|
|
