|
ຄວາມສາມາດປະດິດສ້າງໂດຍຕົນເອງຂອງຈີນນັບມື້ນັບສູງຂຶ້ນ
cri
ຕາມຂ່າວສານຊີນຮວາ:ບົດລາຍງານທີ່ກົມສະຖິຕິແຫ່ງຊາດຈີນປະກາດໃນວັນທີ 30 ກັນຍາແລ້ວນີ້ ຂຽນວ່າ, ແຕ່ປີ 2002 ເປັນຕົ້ນມາ,ປະລິມານຮ້ອງຂໍລິຂະສິດແລະປະລິມານມອບລິຂະສິດຂອງຈີນລ້ວນແຕ່ເພີ່ມຂຶ້ນ 20% ຂຶ້ນໄປຕໍ່ປີ,ນີ້ສະແດງໃຫ້ເຫັນວ່າ,ຄວາມສາມາດປະດິດສ້າງໂດຍຕົນເອງຂອງຈີນນັບມື້ນັບສູງຂຶ້ນ,ສະພາບແວດລ້ອມປົກປ້ອງສິດຊັບສິນທາງປັນຍາໄດ້ມີການປົວແປງໃຫ້ດີຂຶ້ນຢ່າງຫລວງຫລາຍ.
ບົດລາຍງານຂຽນວ່າ,ໃນຫລາຍປີມານີ້,ຈີນໄດ້ເພີ່ມການລົງທຶນໃນດ້ານວິທະຍາສາດເຕັກນິກ,ງົບປະມານດ້ານກິດວິທະຍາສາດເຕັກນິກໃນປີກາຍແມ່ນ 2,1 ເທົ່າຂອງປີ 2002.ໃນຂະນະດຽວກັນນີ້, ການຄົ້ນຄວ້າພື້ນຖານຂອງຈີນໄດ້ຮັບການເພີ່ມທະວີຂຶ້ນ, ອຸດສາຫະກຳໄຮເທັກພັດທະນາຢ່າງວ່ອງໄວ, ໄດ້ມີຫມາກຜົນຄົ້ນຄວ້າສຳຄັນຢ່າງຫລວງ ຫລາຍ, ໃນນັ້ນ, ຍານອະວະກາດລະບົບ ເຊີນໂຈວ ໄດ້ຍິງຂຶ້ນສູ່ອະວະກາດຢ່າງສຳເລັດຜົນ, ໂດຍສະເພາະແມ່ນຍານອະວະກາດບັນທຸກຄົນ ເຊີນໂຈວເລກ 5 ແລະເລກ 6 ໄດ້ຮັບຜົນເຕັມເມັດເຕັມຫນ່ວຍ,ນີ້ຢືນຢັນວ່າຈີນໄດ້ຢູ່ໃນລະດັບກ້າວຫນ້າຂອງໂລກໃນຂົງເຂດວິທະຍາສາດສຳຄັນຈຳນວນຫນຶ່ງ.
|
|
