|
ໃນ3ປີທີ່ຜ່ານມາລາຍໄດ້ສະເລ່ຍຕາມຫົວຄົນຂອງຊາວກະສິກອນຈີນທີ່ເພີ່ມຂຶ້ນນັ້ນໄດ້ຫຼາຍກວ່າ300ຢວນ
cri
ຕາມຂ່າວສານຊິນຮວາ,ອີງຕາມສະຖິຕິຫຼ້າສຸດຂອງກົມສະຖິຕິແຫ່ງຊາດຈີນສະແດງໃຫ້ເຫັນວ່າ,ນັບແຕ່ກອງປະຊຸມໃຫຍ່ຄັ້ງທີ16ຂອງພັກກອມມູນິດຈີນເມື່ອປີ2002ມານີ້,ລາຍໄດ້ຂອງຊາວກະສິກອນຈີນໄດ້ເພີ່ມຂຶ້ນຢ່າງໄວວາ,ໂດຍສະເພາະແມ່ນໃນ3ປີທີ່ຜ່ານມາ,ລາຍໄດ້ ສະເລ່ຍຕາມຫົວຄົນທີ່ເພີ່ມຂຶ້ນນັ້ນໄດ້ຫຼາຍກວ່າ300ຢວນ.
ສະຖິຕິສະແດງໃຫ້ເຫັນວ່າ,ຈັງຫວະເພີ່ມຂອງລາຍໄດ້ສຸດທິສະເລ່ຍຕາມຫົວຄົນຂອງຊາວກະສິກອນຈີນຈາກ4,8%ໃນປີ2002,ຍົກສູງຂຶ້ນຮອດ7,4%ໃນປີ2006.
ຄຽງຄູ່ກັບອົງປະກອບການປະກອບອາຊີບ ໄດ້ມີການປ່ຽນແປງ,ອັດຕາລາຍໄດ້ທີ່ມາຈາກທຸລະກິດ ຄອບຄົວຂອງຊາວກະສິກອນໄດ້ຫຼຸດໜ້ອຍລົງ,ລາຍໄດ້ຈາກເງິນເດືອນໄດ້ກາຍເປັນແຫຼ່ງສຳຄັນທີ່ເຮັດໃຫ້ຊາວກະສິກອນມີລາຍໄດ້ເພີ່ມຂຶ້ນ.ປີກາຍນີ້,ລາຍໄດ້ຈາກເງິນເດືອນທີ່ສະເລ່ຍຕາມຫົວຄົນຂອງຊາວກະສິກອນໄດ້ເພີ່ມຂຶ້ນຫຼາຍກວ່າປີ2005 200ຢວນ,ກວມ60%ຂຶ້ນໄປຂອງລາຍໄດ້ເພີ່ມຂອງຊາວກະສິກອນ.
|
|
