|
|
 |
| (GMT+08:00)
2007-10-04 18:17:13
|
 |
|
ຈີນເຂົ້າເປັນສະມາຊິກຄະນະກຳມະການເຂົ້າສານສາກົນຢ່າງເປັນທາງການ
cri
ຕາມຂ່າວສານຊິນຮວາ,ຫວ່າງມໍ່ໆນີ້,ນັກຂ່າວໄດ້ຊາບຈາກສະພາບັນດິດວິທະຍາສາດກະສິກຳຈີນວ່າ,ຈີນໄດ້ຮັບການອະນຸມັດຢ່າງເປັນທາງການເຂົ້າເປັນສະມາຊິກທາງການຂອງຄະນະກຳມະການເຂົ້າສານສາກົນຫຼືIRCໃນເດືອນກັນຍາແລ້ວນີ້.
ຄະນະກຳມະການເຂົ້າສານສາກົນແມ່ນຄະນະກຳມະການສະເພາະກິດທີ່ສັງກັດອົງການອາຫານແລະກະສິກຳສະຫະປະຊາຊາດຫຼືFAO,ຄະນະກຳມະການດັ່ງກ່າວສ້າງຕັ້ງຂຶ້ນໃນປີ1949,ຕົ້ນຕໍແມ່ນສຸມໃສ່ການຊຸກຍູ້ການຮ່ວມມືລະຫວ່າງສະມາຊິກໃນການຜະລິດ,ສະສົມ,ແບ່ງປັນຈຳໜ່າຍແລະບໍລິໂພກເຂົ້າສານ,ໄດ້ເສີມຂະຫຍາຍບົດບາດສຳຄັນໃນດ້ານນຳໃຊ້ເຕັກນິກປູກເຂົ້າສານ,ປະຕິບັດໂຄງການຮ່ວມມືແລະເຜີຍແຜ່ຂໍ້ມູນຂ່າວສານ.ປັດຈຸບັນ,ໄດ້ມີ60ກວ່າປະເທດແລະເຂດແຄວ້ນໃນໂລກເຊິ່ງລວມທັງປະເທດປູກເຂົ້າສານທີ່ສຳຄັນເຂົ້າຮ່ວມຄະນະກຳມະການດັ່ງກ່າວ.
ຈີນມີທ່າແຮງອັນພົ້ນເດັ່ນໃນດ້ານການຜະລິດແລະຄົ້ນຄວ້າເຂົ້າສານ,ໂດຍສະເພາະແມ່ນເປັນປະເທດນຳໜ້າໃນຂົງເຂດຄັດເລືອກແລະບົ່ມເພາະພັນເຂົ້າ,ການປູກເຂົ້າສານຢ່າງມີປະສິດທິພາບສູງແລະເຕັກນິກຜະລິດພັນເຂົ້າ.
|
|
|
