|
|
 |
| (GMT+08:00)
2007-10-07 15:48:56
|
 |
|
ການເງິນສູນກາງຈີນຈະສືບຕໍ່ເພີ່ມງົບປະມານເຂົ້າໃນດ້ານກະສິກຳແລະຊົນນະບົດ
cri
ຕາມຂ່າວສານຊີນຮວາ: ຫວ່າງມໍ່ໆນີ້ ກົມການເມືອງສູນກາງພັກກອມມູນິດຈີນໄດ້ຈັດກອງປະຊຸມຊີ້ອອກວ່າ, ຕໍ່ໄປພາຍຫນ້າ,ຈະເພີ່ມຄວາມແຮງເພື່ອແກ້ໄຂບັນຫາພື້ນຖານກະສິກຳອ່ອນແອແລະຊົນນະບົດພັດທະນາອ່າວຫລ້າຫລັງ,ແລະເພີ່ມງົບປະມານເຂົ້າກະສິກຳແລະຊົນນະບົດ.
ໃນເວລາໃຫ້ສຳພາດຕໍ່ນັກຂ່າວ, ຜູ່ຮັບຜິດຊອບທີ່ກ່ຽວຂ້ອງຂອງກະຊວງການເງິນຈີນກ່າວວ່າ, ໃນຫລາຍປີມານີ້, ການເງິນແຫ່ງລັດໄດ້ຖືການສະຫນັບສະຫນູນການແກ້ໄຂບັນຫາກະສິກຳ ຊົນນະບົດແລະຊາວກະສິກອນໄວ້ຢູ່ຖານະອັນດັບຫນຶ່ງຂອງວຽງານການເງິນ,ເລີ່ມຈາກຍຸດທະສາດທີ່ພັດທະນາຕົວເມືອງແລະຊົນນະບົດພ້ອມກັນ, ເພີ່ມງົບປະມານເລື້ອຍໆ,ສັບຊ້ອນອົງປະກອບລາຍຈ່າຍ,ປະດິດສ້າງກົນໄກສະຫນັບສະຫນູນກະສິກຳຂອງການເງິນ,ອອກແຮງຊຸກຍູ້ການພັດທະນາຂອງກະສິກຳສະໄຫມໃຫມ່ ການສ້າງສາຊົນນະບົດໃຫມ່ແລະໃຫ້ຊາວກະສິກອນມີລາຍໄດ້ເພີ່ມຂຶ້ນ.
ສະຖິຕິຂອງກະຊວງການເງິນສະແດງໃຫ້ເຫັນວ່າ, ປີ 2007, ງົບປະມານການເງິນສູນກາງຈີນໃຊ້ໃນດ້ານກະສິກຳແລະຊົນນະບົດໄດ້ບັນລຸ 390 ກວ່າຕື້ຢວນ, ເພີ່ມຂຶ້ນຫລາຍກວ່າປີ 2006 15%.ນະໂຍບາຍສະຫນັບສະຫນູນແລະໃຫ້ຂໍ້ພິເສດແກ່ກະສິກຳທີ່ການເງິນສູນກາງວາງອອກນັ້ນໄດ້ສ້າງພື້ນຖານໃຫ້ແກ່ກະສິກຳໄດ້ຮັບຫມາກຜົນອັນອຸດົມສົມບູນ.
|
|
|
