|
ຈີນເຫັນວ່າການເຄື່ອນໄຫວຂອງສະພາຄວາມໝັ້ນຄົງຄວນຊ່ວຍໃຫ້ມຽນມາບັນລຸປະຊາທິປະໄຕແລະການພັດທະນາ
cri
ຕາມຂ່າວCRI,ວັນທີ9ຕຸລານີ້,ຢູ່ທີ່ປັກກິ່ງ,ທ່ານລິວຈ້ຽນຊ່າວ ໂຄສົກກະຊວງການຕ່າງປະເທດຈີນກ່າວວ່າ,ສະພາຄວາມໝັ້ນຄົງສະຫະປະຊາຊາດບໍ່ວ່າໃຊ້ການເຄື່ອນໄຫວຫຍັງກໍຄວນມີຜົນດີຕໍ່ຄວາມພະຍາຍາມໄກ່ເກ່ຍຂອງເລຂາທິການໃຫຍ່ສະຫະປະຊາຊາດ,ຊ່ວຍໃຫ້ມຽນມາບັນລຸສະຖຽນລະພາບ,ຄວາມປອງດອງກັນ,ມີປະຊາທິປະໄຕແລະການພັດທະນາ.
ໃນເວລາຕອບຄຳຖາມຂອງນັກຂ່າວໃນງານຖະແຫຼງຂ່າວ,ທ່ານລິວຈ້ຽນຊ່າວກ່າວວ່າ,ຈີນສະໜັບສະໜູນວຽກງານໄກ່ເກ່ຍຂອງທ່ານອິບຼາຮິມ ກຳບາຣີ ທີ່ປຶກສາພິເສດກ່ຽວກັບບັນຫາມຽນມາຂອງເລຂາທິກາໃຫຍ່ສະຫະປະຊາຊາດ,ຄັດຄ້ານການລົງໂທດແລະໃຊ້ແຮງກົດດັນໃຫ້ມຽນມາຢ່າງຮອບດ້ານ.ຈີນຫວັງໃຫ້ຝ່າຍຕ່າງໆທີ່ກ່ຽວຂ້ອງຈົ່ງສົນທະນາແລະປຶກສາຫາລືກັນ,ຊຸກຍູ້ຄວາມປອງກັນພາຍໃນປະເທດ.ຈີນຈະພ້ອມກັນກັບປະຊາຄົມໂລກ,ເສີມຂະຫຍາຍບົດບາດທີ່ມີລັກສະນະສ້າງສັນເພື່ອຄວາມໝັ້ນຄົງຍາວນານແລະການພັດທະນາຂອງມຽນມາ.
ກ່ຽວກັບການພົວພັນຈີນມຽນມາ,ທ່ານລິວຈ້ຽນຊາວກ່າວຢ້ຳວ່າ,ການພົວພັນຈີນມຽນມາແມ່ນສ້າງຕັ້ງຂຶ້ນຢູ່ບົນພື້ນຖານຫຼັກ5ປະການຢູ່ຮ່ວມກັນໂດຍສັນຕິ,ສອງປະເທດພັດທະນາການຮ່ວມມືດ້ານເສດຖະກິດການຄ້າຕາມນ້ຳໃຈສະເໝີພາບແລະຕ່າງຝ່າຍຕ່າງມີຜົນປະໂຫຍດ.
|
|
