|
ຈີນຍິນດີຮ່ວມກັບປະຊາຄົມໂລກພ້ອມກັນສືບຕໍ່ຕັ້ງໜ້າຊຸກຍູ້ການແກ້ໄຂບັນຫາມຽນມາ
cri
ຕາມຂ່າວ CRI: ວັນທີ 12 ຕຸລານີ້, ຢູ່ທີ່ປັກກິ່ງ, ທ່ານລິວຈ້ຽນຊ່າວ, ໂຄສົກກະຊວງການຕ່າງປະເທດຈີນກ່າວວ່າ, ເວົ້າເຖິງກົກເຖິງຮາກແລ້ວ, ບັນຫາມຽນມາຕ້ອງການປະຊາຊົນແລະລັດຖະບານມຽນມາອາໄສຄວາມພະຍາຍາມຂອງຕົນ, ແກ້ໄຂໃຫ້ເໝາະສົມໂດຍຜ່ານການເປິກສາຫາລືກັນ. ສ່ວນຈີນຍິນດີຮ່ວມກັບປະຊາຄົມໂລກ, ສືບຕໍ່ຕັ້ງໜ້າຊຸກຍູ້ການແກ້ໄຂບັນຫາມຽນມາໃຫ້ເໝາະສົມ.
ໃນເວລາຕອບຄຳຖາມກ່ຽວກັບສະພາຄວາມໝັ້ນຄົງສະຫະປະຊາຊາດຜ່ານຖະແຫຼງການກ່ຽວກັບບັນຫາມຽນມາ, ທ່ານລິວຈ້ຽນຊ່າວກ່າວວ່າ, ສະພາຄວາມໝັ້ນຄົງຜ່ານຖະແຫຼງການກ່ຽວກັບເລື່ອງນີ້ແມ່ນ, ມີຈຸດປະສົງເພື່ອສະໜັບສະໜູນຄວາມພະຍາຍາມໄກ່ເກ່ຍຂອງເລຂາທິການໃຫຍ່ແລະທ່ານອີບຼາຮິມ ກາມບູຣີທີ່ເປິກສາພິເສດຂອງອົງການສະຫະປະຊາຊາດ, ໃຫ້ການຊ່ອຍເຫຼືອທີ່ມີລັກສະນະສ້າງສັນໃຫ້ຝ່າຍຕ່າງໆຂອງມຽນມາເພື່ອບັນລຸຄວາມປອງດອງກັນພາຍໃນປະເທດໂດຍຜ່ານການເຈລະຈາ, ຊຸກຍູ້ປະຊາທິປະໄຕແລະການພັດທະນາ.
|
|
