|
|
 |
| (GMT+08:00)
2007-10-13 18:33:25
|
 |
|
ງານຕະຫຼາດນັດຜະລິດຕະພັນກະສິກຳສາກົນຈີນຄັ້ງທີ 5 ຈັດຂຶ້ນຢູ່ເມືອງຈີນານ
cri
Author: mo
ຕາມຂ່າວCRI：ວັນທີ 13 ຕຸລານີ້, ງານຕະຫຼາດນັດຜະລິດຕະພັນກະສິກຳສາກົນຈີນຄັ້ງທີ 5 ທີ່ກະຊວງກະສິກຳຈີນເປັນເຈົ້າພາບໄດ້ເປີດສາກຢູ່ເມືອງຈີນານແຂວງຊ່ານຕົ່ງ. ໃນເວລາເຂົ້າຮ່ວມພິທີເປີດສາກ, ທ່ານຫຸຍລຽງຢູ້ ຮອງນາຍົກລັດຖະມົນຕີຈີນກ່າວວ່າ, ຈະພະຍາຍາມຈັດງານຕະຫຼາດນັດກະສິກຳເປັນງານຕະຫຼາດນັດຜະລິດຕະພັນກະສິກຳລະດັບຊາດ.
ໃນເວລາເຂົ້າຊົມງານຕະຫຼາດນັດ, ທ່ານຫຸຍລຽງຢູ້ກ່າວວ່າ, ງານຕະຫຼາດນັດຜະລິດຕະພັນກະສິກຳສາກົນຈີນແມ່ນປ່ອງຢ້ຽມສຳຄັນທີ່ສະແດງໝາກຜົນຂອງການພັດທະນາກະສິກຳແລະເສດຖະກິດຊົນນະບົດຂອງຈີນ. ໃນຫຼາຍປີມານີ້, ລະດັບຄຸນນະພາບແລະຄວາມປອດໄພຂອງຜະລິດຕະພັນກະສິກຳຈີນໄດ້ຍົກສູງຂຶ້ນຢ່າງຫຼວງຫຼາຍ, ໃນປັດຈຸບັນແລະໄລຍະໜຶ່ງຂ້າງໜ້າ, ພາກສ່ວນທີ່ກ່ຽວຂ້ອງຕ່າງໆຈະສືບຕໍ່ກຳວຽກງານປັບປຸງຄຸນນະພາບແລະຄວາມປອດໄພຂອງຜະລິດຕະພັນກະສິກຳໃຫ້ດີ, ຍົກວຽກງານຄຸນນະພາບແລະຄວາມປອດໄພຂອງຜະລິດຕະພັນກະສິກຳຂອງຈີນໃຫ້ສູງຂຶ້ນເຖີງລະດັບໃໝ່.
ງານຕະຫຼາດນັດຄັ້ງນີ້ມີຫົວຂໍ້ວ່າ"ກະສິກຳສີຂຽວ ຊົນນະບົດທີ່ກົມກຽວກັນ".ໄດ້ໂຮມສຸນສະແດງຜົນສຳເລັດທີ່ໄດ້ຮັບໃນການພັດທະນາກະສິກຳແລະເສດຖະກິດຊົນນະບົດຂອງຈີນແຕ່ປີ 2002 ມານີ້.
|
|
|
