|
ຈີນຕັ້ງໜ້າປົກປ້ອງສິດແລະຜົນປະໂຫຍດຊອບກົດໝາຍຂອງການປະກອບອາຊີບແລະທີ່ດິນຂອງຊາວນາທີ່ເຮັດວຽກໃນເມືອງ
cri
Author: mo
ຕາມຂ່າວສານຊີນຮວາ: ໃນຫຼາຍປີມານີ້, ຈີນຕັ້ງໜ້າປົກປ້ອງສິດແລະຜົນປະໂຫຍດອັນຊອບດ້ວຍກົດໝາຍຂອງຊາວກະສິກອນທີ່ເຮັດວຽກໃນເມືອງ, ຊຸກຍູ້ໃຫ້ແຮງງານຊົນນະບົດປະກອບອາຊີບຢ່າງສະເໝີພາບ, ປົກປ້ອງສິດແລະຜົນປະໂຫຍດຮັບເໝົາທີ່ດິນຂອງຊາວກະສິກອນທີ່ເຮັດວຽກໃນເມືອງ.
ນັກຂ່າວໄດ້ຊາບຈາກງານຕະຫຼາດນັດຜະລິດຕະພັນກະສິກຳສາກົນຈີນຄັ້ງທີ 5 ວ່າ, ແຕ່ປີ 2004 ມານີ້, ຈີນໄດ້ດຳເນີນວຽກງານທົດລອງການປະກອບອາຊີບຢ່າງສະເໝີພາບຂອງແຮງງານຊົນນະບົດ, ເຂດທົດລອງໄດ້ດຳເນີນການທົດລອງແລະຄົ້ນຄວ້າຈາກດ້ານຕ່າງໆເຊັ່ນ: ການຈ່າຍເງິນເດືອນ, ການຄຸ້ມຄອງການໃຊ້ແຮງງານ, ການປະກັນສັງຄົມ, ລູກເຂົ້າໂຮງຮຽນ, ແລະກົນໄກປົກປ້ອງສິດຂອງຊາວກະສິກອນທີ່ເຮັດວຽກໃນເມືອງເປັນຕົ້ນ, ທັງໄດ້ຮັບຄວາມຄືບໜ້າຫຼາຍ. ຈີນຍັງໃຊ້ມາດຕະການຫຼາຍຊະນິດເຊັ່ນປັບປຸງກົນໄກໄກ່ເກ່ຍຄວາມຂັດແຍ້ງໃຫ້ສົມບູນຂຶ້ນເປັນຕົ້ນ, ໄດ້ປະຕິບັດແລະປົກປ້ອງສິດແລະຜົນປະໂຫຍດຮັບເໝົາທີ່ດິນຂອງຊາວກະສິກອນທີ່ເຮັດວຽກໃນເມືອງຕາມກົດໝາຍ.
ຕົວເລກສະແດງໃຫ້ເຫັນວ່າ, ນັບມາຮອດປັດຈຸບັນ, ຈີນໄດ້ມີຊາວກະສິກອນທີ່ເຮັດວຽກໃນເມືອງ 200 ລ້ານຄົນ, ໃນນັ້ນ, ຜູ້ຍ້າຍມາຈາກຕ່າງຖິ່ນມີປະມານ 120 ລ້ານຄົນ, ຊາວກະສິກອນທີ່ເຮັດວຽກໃນເມືອງໄດ້ກາຍເປັນສ່ວນປະກອບອັນສຳຄັນຂອງການຜະລິດຂອງຈີນແລ້ວ.
|
|
