|
ນັບແຕ່ໄຕມາດທີຫນຶ່ງຫາໄຕມາດທີສາມປີນີ້,ການຜະລິດແລະການ ຈຳຫນ່າຍລົດຍົນຂອງຈີນຫລາຍກວ່າ 6 ລ້ານ 4 ແສນ 5 ຫມື່ນຄັນ
cri
ຕາມຂ່າວສານຊີນຮວາ:ສະຖິຕິການຜະລິດແລະຈຳຫນ່າຍລົດຍົນທີ່ສະມາຄົມອຸດສາຫະກຳລົດຍົນຈີນປະກາດໃນວັນທີ 16 ຕຸລານີ້ສະແດງໃຫ້ເຫັນວ່າ, ນັບແຕ່ໄຕມາດທີຫນຶ່ງຫາໄຕມາດທີສາມຂອງປີນີ້ ການຜະລິດແລະການຈຳຫນ່າຍລົດຍົນຂອງຈີນລ້ວນແຕ່ຫລາຍກວ່າ 6 ລ້ານ 4 ແສນ 5 ຫມື່ນຄັນ, ເພີ່ມຂຶ້ນຫລາຍກວ່າໄລຍະດຽວກັນຂອງປີກາຍ 20%.
ໃນຫລາຍປີມານີ້,ອຸດສາຫະກຳລົດຍົນຈີນສືບຕໍ່ເຕີບໂຕຢ່າງວ່ອງໄວ,ຄ່ອຍໆກາຍເປັນອຸດສາຫະກຳເສົາຄ້ຳຂອງເສດຖະກິດແຫ່ງຊາດແລ້ວ.ຜູ່ຊ່ຽວຊານຊີ້ອອກວ່າ, ເສດຖະກິດມະຫາພາກຂອງຈີນສືບຕໍ່ດີຂຶ້ນ,ລະດັບລາຍໄດ້ຂອງປະຊາຊົນໃນຕົວເມືອງແລະຊົນນະບົດຍົກສູງຂຶ້ນເລື້ອຍໆ,ແລະຈຳນວນຜູ່ມີລົດທີ່ຄິດສະເຫລ່ຍຕາມຫົວຄົນໃນປັດຈຸບັນຍັງຕ່ຳກວ່າລະດັບສະເຫລ່ຍຂອງໂລກຢ່າງຫລວງຫລາຍ,ເຊິ່ງໄດ້ຮັບປະກັນແລະມີຊ່ອງຫວ່າງໃຫ້ແກ່ຄວາມຕ້ອງການລົດຍົນຂອງຈີນຈະເພີ່ມຂຶ້ນ.
|
|
