|
|
 |
| (GMT+08:00)
2007-10-17 18:15:22
|
 |
|
ຈີນຫຼຸດຜ່ອນຄວາມທຸກຍາກຢ່າງສຳເລັດຜົນໄດ້ເຮັດໃຫ້ການຫຼຸດຄວາມທຸກຍາກໃນໂລກມີການຄືບໜ້າວ່ອງໄວ
cri
Author: MO
ຕາມຂ່າວCRI：ວັນທີ 17 ຕຸລານີ້, ຫ້ອງການວຽກງານຫຼຸດຜ່ອນຄວາມທຸກຍາກຂອງລັດຖະບານຈີນໄດ້ປະກາດ"ບົດລາຍງານການຫຼຸດຜ່ອນຄວາມທຸກຍາກຂອງຈີນ" ສະແດງໃຫ້ເຫັນວ່າ, ການຫຼຸດຄວາມທຸກຍາກໄດ້ຜົນດີຢູ່ຈີນໃນຫຼາຍສິບປີມານີ້ໄດ້ເພີ່ມຄວາມໄວຂອງການຫຼຸດຄວາມທຸກຍາກຂອງໂລກ, ໄດ້ປະກອບສ່ວນອັນຕັ້ງໜ້າເຂົ້າໃນວຽກງານຫຼຸດຄວາມທຸກຍາກຂອງໂລກ.
ບົດລາຍງານຂຽນວ່າ, ແຕ່ປີ 1990 ຫາປີ 2006, ປະຊາກອນຜູ້ໄດ້ຫຼຸດຄວາມທຸກຍາກຢູ່ຈີນກວມ 70% ຂຶ້ນໄປຂອງປະຊາກອນຜູ້ທຸກຍາກຂອງໂລກ. ນອກນັ້ນ, ຈີນຍັງແມ່ນປະເທດທີ່ເຂົ້າຮ່ວມວຽກງານຫຼຸດຜ່ອນຄວາມທຸກຍາກຂອງໂລກຢ່າງຕັ້ງໜ້າ. ລັດຖະບານຈີນແລະອົງການສາກົນເຊັ່ນອົງການສະຫະປະຊາຊາດເພື່ອການພັດທະນາຫຼືUNDP ເປັນຕົ້ນໄດ້ສ້າງສູນຫຼຸດຜ່ອນຄວາມທຸກຍາກສາກົນຈີນຢູ່ປັກກິ່ງໃນເດືອນພຶດສະພາປີ 2005, ໄດ້ດຳເນີນການອົບຮົມ ແລກປ່ຽນແລະຄົ້ນຄວ້າການຫຼຸດຜ່ອນຄວາມທຸກຍາກສາກົນຢ່າງຕັ້ງໜ້າ.
ບົດລາຍງານສະເໜີວ່າ, ຈີນໄດ້ອົບຮົມເຈົ້າໜ້າທີ່ຫຼຸດຜ່ອນວາມທຸກຍາກຊັ້ນູສງແລະຊັ້ນກາງເກືອບ 200 ຄົນໃຫ້ 58 ປະເທດແລ້ວ, ໄດ້ຈັດກອງປະຊຸມແລກປ່ຽນການຫຼຸດຜ່ອນຄວາມທຸກຍາກສາກົນ 7 ເທື່ອ, ໄດ້ເຊື້ອເຊີນເຈົ້າໜ້າທີ່ ຜູ້ປະຕິບັດງານຕົວຈິງ ແລະນັກຄົ້ນຄວ້າຂອງເກືອບຮ້ອຍປະເທດແລະອົງການສາກົນມາດຳເນີນການແລກປ່ຽນ ຮໍ່າຮຽນ ແລະທັດສະນະສຶກສາຖອດຖອນບົດຮຽນການຫຼຸດຜ່ອນຄວາມທຸກຍາກຢູ່ຈີນ.
|
|
|
