|
|
 |
| (GMT+08:00)
2007-10-18 18:14:20
|
 |
|
ເສດຖະກິດຈີນໃນປັດຈຸບັນຍັງບໍ່ມີສະພາບທີ່ໄປໄວເກີນໄປເທື່ອ
cri
Author: MO
ຕາມຂ່າວCRI: ວັນທີ 18 ຕຸລານີ້ຢູ່ທີ່ປັກກິ່ງ, ທ່ານຈູຈື່ຊິນ ຮອງຫົວໜ້າຄະນະກຳມະການພັດທະນາແລະການປະຕິຮູບແຫ່ງລັດຈີນກ່າວວ່າ, ປັດຈຸບັນ, ເສດຖະກິດຈີນຍັງບໍ່ທັນໄດ້ມີສະພາບທີ່ໄປໄວເກີນໄປຢ່າງຮອບດ້ານເທື່ອ.
ທ່ານຈູຈື່ຊີນແມ່ນໃຫ້ທັດສະນະດັ່ງກ່າວໃນກອງປະຊຸມຂ່າວທີ່ຈັດຢູ່ສູນຂ່າວກອງປະຊຸມໃຫຍ່ຄັ້ງທີ 17 ຂອງພັກກອມມູນິດຈີນມື້ດຽວກັນ. ທ່ານເວົ້າວ່າ, ໃນປະຈຸບັນນີ້, ການພົວພັນລະຫວ່າງການສະໜອງກັບຄວາມຕ້ອງການກວມລວມທີ່ດຸນດ່ຽງກັນຂອງຈີນບໍ່ໄດ້ປ່ຽນແປງ, ແລະບໍ່ໄດ້ມີສະພາບລາຄາສິນຄ້າແພງຂື້ນຫຼາຍຢ່າງຮອບດ້ານແລະຕໍ່ເນື່ອງຍ້ອນຄວາມຕ້ອງການຫຼາຍກວ່າການສະໜອງ. ພ້ອມກັນນັ້ນ, ເງື່ອນໄຂຄ້ຳປະກັນການເຕີບໂຕຂອງເສດຖະກິດຈີນກໍ່ໄດ້ປັບປຸງໃຫ້ດີຂຶ້ນຢ່າງເດັ່ນຊັດ, ໃນດ້ານກວມລວມແລ້ວ, ເງື່ອນໄຂວັດຖຸຕ່າງໆເຊັ່ນຖ່ານຫິນ ພະລັງໄຟຟ້າ ນ້ຳມັນເຊື້ອໄຟ ແລະການຂົນສົ່ງເປັນຕົ້ນບໍ່ໄດ້ປະກົດມີການເຄັ່ງຕຶງເລີຍ.
ທ່ານຈູຈື່ຊີນກ່າວວ່າ, ເຖິງວ່າເສດຖະກິດຈີນໄດ້ເຕີບໂຕຢ່າງໝັ້ນທ່ຽງແລະອ່າວໄວຫຼາຍປີລຽນຕິດກໍ່ຕາມ, ແຕ່ໃນການໝູນເດີນຂອງເສດຖະກິດໃນປັດຈຸບັນຍັງມີຄວາມຂັດແຍ່ງແລະບັນຫາທີ່ພົ້ນເດັ່ນຫຼາຍບັນຫາ, ເຊິ່ງໂຮມສູນສະແດງອອກໃນດ້ານບັນຫາເສດຖະກິດເພີ່ມຂຶ້ນຈາກອ່າວໄວກາຍເປັນໄວເກີນໄປນັ້ນບໍ່ໄດ້ຜ່ອນຄາຍລົງເທື່ອ, ຄວາມສ່ຽງທີ່ແຝງຢູ່ແມ່ນປະໝາດບໍ່ໄດ້.
|
|
|
