|
ຄະນະກຳມາທິການວຽກງານການຕ່າງປະເທດຂອງສະພາປະຊາຊົນແຫ່ງຊາດຈີນສະແດງຄວາມຄຽດແຄ້ນຢ່າງຮຸນແຮງແລະຄັດຄ້ານຢ່າງເດັດດ່ຽວຕໍ່ລັດຖະສະພາອາເມລິກາມອບລາງວັນໃຫ້ດາໄລລາມະ
cri
Author: mo
ຕາມຂ່າວສານຊີນຮວາ: ວັນທີ 18 ຕຸລານີ້, ຜູ້ຮັບຜິດຊອບຄະນະກຳມາທິການວຽກງານການຕ່າງປະເທດຂອງສະພາປະຊາຊົນແຫ່ງຊາດຈີນໃຫ້ສຳພາດກ່ຽວກັບລັດຖະສະພາອາເມລິກາມອບອັນທີ່ວ່າ"ຫຼຽນຄຳລັດຖະສະພາ"ໃຫ້ດາໄລລາມະ, ຊີ້ອອກວ່າ, ນີ້ແມ່ນການແຊກແຊງວຽກງານພາຍໃນຂອງຈີນຢ່າງຮ້າຍກາດ, ໄດ້ບາດໃຈປະຊາຊົນຈີນຢ່າງໜັກໜ່ວງ, ຝ່າຍຈີນສະແດງຄວາມຄຽດແຄ້ນຢ່າງຮຸນແຮງແລະຄັດຄ້ານຢ່າງເດັດດ່ຽວຕໍ່ເລື່ອງນີ້.
ຜູ້ຮັບຜິດຊອບຊີ້ອອກວ່າ, ແຕ່ບູຮານນະການມານີ້, ເຂດຕິເບດກໍແມ່ນດິດແດນສ່ວນໜຶ່ງທີ່ຕັດແຍກບໍ່ໄດ້ຂອງຈີນ. ໃນຫຼາຍສິບປີມານີ້, ດາໄລລາມະບໍ່ໄດ້ປະລະຫຼັກໝັ້ນ"ຕິເບດເປັນເອກະລາດ"ຈັກເທື່ອ, ແມ່ນຜູ້ພັດຖີ່ນການເມືອງທີ່ນຸ່ງຊຸດສາດສະດາທີ່ເຈດຕະນາແບ່ງແຍກປະເທດຊາດ, ພາຍຫຼັງພັດຖີ່ນໄປຕ່າງປະເທດແລ້ວ, ເຂົາບໍ່ໄດ້ເຮັດເລື່ອງດີຫຍັງໃຫ້ແກ່ການພັດທະນາແລະປະຊາຊົນເຂດຕິເບດ, ເຂົາຈະຕາງໜ້າປະຊາຊົນເຂດຕິເບດບໍ່ໄດ້. ບັນຫາດາໄລລາມະບໍ່ແມ່ນບັນຫາຊົນເຜົ່າແລະສາດສະໜາ, ກໍ່ບໍ່ແມ່ນບັນຫາສິດທິມະນຸດ, ຫາກແມ່ນບັນຫາການເມືອງອັນໜັກໜ່ວງທີ່ເຈດຕະນາຕັດແຍກປະເທດຊາດ.
ຜູ້ຮັບຜິດຊອບກ່າວວ່າ, ລັດຖະສະພາອາເມລິກາມອບລາງວັນໃຫ້ດາໄລລາມະແມ່ນສົ່ງສັນຍາຜິດພາດໃຫ້ອິດທິກຳລັງແບ່ງແຍກທີ່ເຈດຕະນາສະແຫວງຫາ"ຕິເບດເປັນເອກະລາດ", ໄດ້ທຳລາຍການພົວພັນຈີນອາເມລິກາແລະການຮ່ວມມືໃນຂົງເຂດສຳຄັນຂອງສອງຝ່າຍຢ່າງໜັກໜ່ວງ.
|
|
