ຕາມ​ຂ່າວສານ​ຊິນ​ຮວາ:ເວ​ທີ​ປຶກສາ​ຫາລື​ກ່ຽວກັບປ່າ​ໄມ້​ຈີນ-ອາຊ​ຽນຄັ້ງ​ປະຖົມມະ​ເລີກ​ຈະ​ຈັດ​ຂຶ້ນ​ຢູ່​ເມືອງ​ນານ​ນີງ ​​ເຂດ​ກວາງຊີແຕ່​ວັນ​ທີ30​ຫາ​ວັນ​ທີ31​ຕຸລາ​ນີ້,​​ເຈົ້າ​ໜ້າ​ທີ່​ພາກສ່ວນ​ຄຸ້ມ​ຄອງປ່​າ​ໄມ້,ນັກວິຊາ​ການ​ແລະ​ຕົວ​ແທນວິ​ສາ​ຫະກິດຂອງ​ຈີນ​​ແລະ​ບັນດາປະ​ເທດ​ອາຊ​ຽນລວມ300​ກວ່າ​ຄົນ​ຈະ​ເຂົ້າ​ຮ່ວມ​.

ເວທີ​ປຶກສາ​ຫາລື​ມີ​ຫົວ​ຂໍ້​ວ່າ"ການ​ຮ່ວມມື​ ​ແລະ ການ​ພັດທະນາ​ແບບ​ຍືນ​ຍົງດ້ານປ່າ​ໄມ້​ຈີນ​ກັບ​ອາຊ​ຽນ",ຈະຊຸກ​ຍູ້​ການ​ແລກປ່ຽນ​ ​ແລະ​ ການ​ຮ່ວມ​ມື​ລະຫວ່າງ​ຈີນ​ກັບບັນດາປະເທດ​ອາຊ​ຽນໃນ​ດ້ານ​ການ​ລົງທຶນ,ການ​ຄ້າ,ການ​ຮ່ວມ​ມື​ວິທະຍາສາດ​​ເຕັກນິກ ​ແລະ ການ​ປົກ​ປ້ອງ​ຊັບພະຍາກອນ​ປ່າ​ໄມ້.​ເວທີ​ປຶກສາ​ຫາລື​ຈະມີ3ຫົວ​ຂໍ້ ຄື:ການ​ລົງທຶນ​ດ້ານ​ການປ່າ​ໄມ້​ແລະ​ການ​ຮ່ວມມື​ດ້ານການ​ຄ້າ​ຜົນຜະ​ລິດ​​ປ່າ​ໄມ້ຈີນ-​ອາຊ​ຽນ,ການ​ນຳ​ໃຊ້​ແລະ​​ພັດທະນາ​ຂອງຜົນ​ຜະລິດ​​​ໄມ້​ແປ​ຮູບ​ຢູ່​ປະ​ເທດ​ອາຊີ​ອາຄະ​ເນ, ​ແລະ ການ​ຮ່ວມ​ມື​ດ້ານ​​ເຕັກ​ນິກວິທະຍາ​ສາດ​ປ່າ​ໄມ້​ຈີນ-​ອາຊ​ຽນ,​ເວທີ​ປຶກສາ​ຫາລື​ຍັງ​ຈະ​ຫາລື​ແລະ​ຮັບຮອງ"ຂໍ້​ລິ​ເລິ່ມນານ​ນີງກ່ຽວ​ກັບ
ການ​ຮ່ວມ​ມື​ດ້ານປ່າ​ໄມ້​ຈີນ-​ອາຊ​ຽນ.