|
|
 |
| (GMT+08:00)
2007-10-24 17:00:57
|
 |
|
ກອງປະຊຸມສຸດຍອດການຄ້າແລະການລົງທຶນຈີນ-ອາຊຽນຄັ້ງທີ4ສຸມໃສ່ການຮ່ວມມືດ້ານການຄ້າການບໍລິການແລະການທະນາຄານ
cri
ຕາມຂ່າວສານຊິນຮວາ,ສະມາຄົມສົ່ງເສີມການຄ້າຂອງເຂດປົກຄອງຕົນເອງເຜົ່າຈວ້າງກວາງຊີຈີນແຈ້ງຂ່າວວ່າ,ກອງປະຊຸມສຸດຍອດການຄ້າແລະການລົງທຶນຈີນ-ອາຊຽນຄັ້ງທີ4ຈະຈັດຂຶ້ນຢູ່ນະຄອນນານນິງເຂດກວາງຊີແຕ່ວັນທີ28ຫາວັນທີ31ຕຸລານີ້.ຮອດເວລານັ້ນ,ການຮ່ວມມືໃນຂົງເຂດການຄ້າການບໍລິການແລະການທະນາຄານຈະກາຍເປັນຫົວຂໍ້ຈຸດສຸມໃນການປຶກສາຫາລືຂອງເຈົ້າໜ້າທີ່,ຜູ່ຊ່ຽວຊານແລະບຸກຄົນວົງການວິສາຫະກິດຂອງຈີນແລະ10ປະເທດອາຊຽນ.
ກອງປະຊຸມສຸດຍອດການຄ້າແລະການລົງທຶນຈີນ-ອາຊຽນຄັ້ງທີ4ຈະຈັດເວທີປຶກສາຫາລືການຄ້າການບໍລິການແລະເວທີປຶກສາຫາລືການທະນາຄານໂດຍສະເພາະ.ໃນເວທີປຶກສາຫາລືການຄ້າການບໍລິການ,ຜູ່ທີ່ຮ່ວມປະຊຸມຈະສຸມໃສ່ສັນຍາການຄ້າການບໍລິການ,ຄົ້ນຄວ້າຫາລືຈະລົງເລິກການຮ່ວມມືດ້ານການຄ້າການບໍລິການລະຫວ່າງຈີນກັບອາຊຽນແນວໃດ,ຊອກຄົ້ນບັນຫາລ້ຳໜ້າຕ່າງໆທີ່ອາດຈະເກີດຂຶ້ນໃນອະນາຄົດກ່ຽວກັບການຄ້າການບໍລິການ.ໃນເວທີປຶກສາຫາລືການທະນາຄານ,ຈະປຶກສາຫາລືໃນຫົວຂໍ້ຕ່າງໆເຊັ່ນການໄຂປະຕູແລະເຊື່ອມໂຍງເຂົ້າກັບສາກົນຂອງຂະແໜງການທະນາຄານຈີນ,ນຳໃຊ້ການປະກັນໄພສິນເຊື່ອດ້ານການສົ່ງອອກເພື່ອຊຸກຍູ້ການຄ້າກັບປະເທດອາຊຽນເປັນຕົ້ນ.
|
|
|
